ەلگە ولجالى ورالعان سپورتشى مەن ونىڭ جاتتىقتىرۋشىسى ەلەنا كوتوۆانى وبلىس اكىمىنىڭ ورىنباسارى ەرلان قۇسايىن قارسى الىپ, ءساتتى ونەر كورسەتۋىمەن قۇتتىقتادى.
– بۇل – تاۋەلسىز قازاقستاننىڭ سۋ سپورتىنان الەم چەمپيوناتىنداعى العاشقى التىنى. جاقىندا نارگيزانىڭ قىتايداعى ازيا ويىندارىنىڭ قولا جۇلدەگەرى بولعانى دا ەرەكشە قۋانتادى. قول جەتكىزگەن جەتىستىكتەرمەن جانە جاڭا جەڭىستەرىڭىز جالعاسا بەرۋىن تىلەيمىن, – دەدى ەرلان بەيسەمباي ۇلى.
نارگيزا بولاتوۆا 6 جاسىنان باستاپ سينحروندى جۇزۋمەن اينالىسادى. ول – حالىقارالىق دارەجەدەگى سپورت شەبەرى, سۋ سپورتى تۇرلەرى بويىنشا ەل قۇراماسىنىڭ كاپيتانى, رەسپۋبليكالىق جانە الەمدىك چەمپيوناتتاردىڭ بىرنەشە دۇركىن جۇلدەگەرى.
– جەڭىمپاز اتانۋ ءۇشىن ۇزاق جانە اۋىر جاتتىعۋ قاجەت. قارسىلاستارىم مىقتى بولدى. مەن ەموتسيالاردى, سۋداعى تەاتردى كورسەتۋگە تىرىستىم. بىراق سونىمەن بىرگە باعدارلامانىڭ كۇردەلىلىگىن كورسەتۋ قاجەت ەدى. ەدۋاردپەن جۇمىس ىستەۋ وڭاي بولدى. ول تالانتتى سپورتشى, ءبىز ءبىر-بىرىمىزگە كومەكتەستىك. ەندى الەم كۋبوگىنىڭ كەلەسى كەزەڭدەرىنە دايىندالامىن. 2028 جىلى وليمپيا ويىندارىنىڭ باعدارلاماسىنا ارالاس دۋەتتەر ەنگىزىلەدى دەپ ۇمىتتەنەمىن, – دەيدى جەڭىمپاز نارگيزا.
بۇگىندە ارتىستىك جۇزۋدەن ۇلتتىق قۇراماعا قاراعاندى وبلىسىنىڭ جەتى وكىلى كىرەدى. ولاردىڭ بارلىعى – قازاقستاننىڭ ەڭبەك سىڭىرگەن جاتتىقتىرۋشىسى ەلەنا كوتوۆانىڭ تاربيەلەنۋشىلەرى.
– نارگيزانىڭ العان التىنى ەڭبەگىنە لايىق. ول وتە تاباندى جانە ەڭبەكقور. ونىڭ ماقساتى ايقىن جانە وعان جەتۋدە تاباندىلىقپەن قادام باسىپ كەلەدى. ۇلتتىق قۇرامادا بارلىعى نارگيزا سياقتى بولعانىن قالايمىن. تەمىرتاۋدا سينحروندى ءجۇزۋ سپورت ءتۇرى تانىمال. كوپ قىزدار كەلەدى, ءبىز ءبارىن قابىلدايمىز. ەڭ باستىسى, بالانىڭ ءوزى ءبىر نارسەگە قول جەتكىزگىسى كەلۋى كەرەك, ال ءبىز ونى قولدايمىز جانە باعىتتايمىز, – دەيدى قاراعاندى وبلىسىنىڭ كوركەمدىك جۇزۋدەن اعا جاتتىقتىرۋشىسى ەلەنا كوتوۆا.
وبلىس اكىمىنىڭ ورىنباسارى سپورتشى مەن ونىڭ جاتتىقتىرۋشىسىنا ىقىلاس گ ۇلى مەن 1,5 ملن تەڭگەلىك سەرتيفيكات تابىس ەتتى.
قاراعاندى وبلىسى
