جاس عالىم ويلاپ تاپقان قۇرال ەگدە جاستاعى ادامداردىڭ باسپالداقپەن كوتەرىلۋىن جەڭىلدەتەدى. ەكى بۇراندا ارقىلى بالداقتىڭ تۇتقاسىن قىسىپ ۇستاعان كەزدە جوعارى قاباتقا جەڭىل كوتەرىلۋگە بولادى.
«زاماناۋي بالداق GPS فۋنكتسياسىمەن ەرەكشەلەنەدى. وتباسى مۇشەلەرى قارت ادامنىڭ ناقتى مەكەنجايىن, سەرۋەندەپ جۇرگەن اۋماعىن باقىلاي الادى. قۇلاپ قالعان جاعدايدا جاقىندارىنىڭ ۇيالى تەلەفونىنا حابارلاما كەلەدى. ال بالداققا ورناتىلعان ارنايى لازەرلىك شام بوگەتتەردى, كەدەرگىلەردى انىقتاپ, قارت ادامعا دىبىستىق بەلگى بەرىپ وتىرادى», دەيدى جوبا جەتەكشىسى ەرزات مىرزاحان.
بالداق قوزعالىستى جەڭىلدەتىپ قانا قويمايدى, كوڭىل كۇيدى دە كوتەرەدى. ويتكەنى وندا راديو قۇرىلعىسى جۇمىس ىستەيدى. سالماعى – 300-400 گرامم, ۇزىندىعى 1 مەترگە دەيىن سوزىلاتىن بالداقتىڭ نارىقتاعى باعاسى كوپشىلىككە قولجەتىمدى.
