حالىقارالىق ماتەماتيكالىق وليمپيادا

وتانىمىزدىڭ استاناسىندا وتەدى ەلباسى نۇرسۇلتان نازارباەۆ ءبىلىم ساپاسىن كوتەرۋگە, تالانتتى بالالارعا قامقورلىق كورسەتۋگە كوپ مۇمكىندىك جاساپ كەلەدى. سونىڭ ءبىر ايقىن دالەلى, ءوزىنىڭ ارنايى وكى­مى­مەن ءبىلىم جانە عىلىم  مينيستر­لىگى جانىنان “دارىن” رەسپۋب­ليكالىق عىلىمي-پراكتيكالىق ورتالىعىن قۇرۋعا ۇيىتقى بولۋى دەر ەدىك. وسى ۋاقىت ىشىندە وتا­نىمىزدىڭ دارىندى بالالارى تورتكۇل دۇنيەدە ءوتىپ جاتقان ءبىلىم سايىسىنا قاتىسىپ, جەڭىس تورىنەن كورىنىپ كەلدى. سونىڭ ەڭ باستىسى دەپ وسىدان 51 جىل بۇرىن رۋمى­نيادا تۇڭعىش رەت وقۋشىلار ارا­سىندا ماتەماتيكادان بولعان حا­لىقارالىق وليمپيادانى اتاۋعا بولادى. بۇل حالىقارالىق ماتەماتيكا­لىق وليمپيادا (حمو) جىل سايىن ءىرى مەملەكەتتەردىڭ بىرىندە, جوعارى سىنىپ وقۋشىلارىنىڭ اراسىندا بولاتىن ءبىلىم جارىسى. ونىڭ نەگىزگى ماقساتى – تورتكۇل دۇنيەدە ءومىر ءسۇرىپ جاتقان ەلدەردىڭ دارىن­دى جاستارىن انىقتاپ, ولاردى ىنتالاندىرۋ, ماتەماتيكتەر ارا­سىندا دوستىق قارىم-قاتىناستى نىعايتۋ, الەمدىك دەڭگەيدەگى وقۋ باعدارلامالارى مەن وقىتۋ تاجىريبەسىنەن اقپارات الماسۋعا مۇمكىندىك بەرۋ, ماتەماتيكانى جالپى عىلىم رەتىندە دامىتۋعا جاعداي جاساپ, سوعان تىرەك بولار جاس ۇرپاقتى باۋلۋ بولىپ تابى­لادى. بۇل اتالمىش وليپياداعا ءبىزدىڭ ەلىمىز 1992 جىلى باقىلاۋشى رەتىندە قاتىسسا, 1993 جىلدان بەرى تولىق قۇقىلى مۇشەسى بولىپ ەسەپ­تەلىنەدى. بۇل جارىسقا وتانىمىز­دان قاتىسقان 62 وقۋشىنىڭ 8-ءى التىن, 17-ءسى كۇمىس, ال 37-ءسى قولا مە­دالعا يە بولعان. وسى وليم­پيادانى ۇيىمداستىرۋدىڭ باسى-قاسىندا جۇرگەن “دارىن” ورتالى­عىنىڭ ديرەكتورى ت.بيتۋوۆانىڭ ايتۋىنشا, وليمپيادانىڭ ءبىزدىڭ ەلدە وتۋىنە مەملەكەتىمىزدىڭ حا­لىقارالىق بەدەلىنىڭ ءوسۋى سەبەپ بولىپ وتىر. سونىمەن قاتار, وتانىمىزدىڭ جاس دارىندارىنىڭ حالىقارالىق ماتەماتيكالىق وليم­پيادادا جەتكەن جەتىستىكتەرى ەسكە­رىلىپ, 2007 جىلى وليمپيادانى ۇيىمداستىرۋ كوميتەتى 2010 جىلى بولاتىن 51-ءشى ءبىلىم سايىسىن قازاق ەلىندە وتكىزۋگە شەشىم قا­بىلداعان ەكەن. 2009 جىلى گەر­مانيادا وتكەن 50-ءشى وليمپيادادا قازاقستان تمد ەلدەرىنىڭ اراسىندا تۇڭعىش رەت ەڭ بەدەلدى ينتەل­لەك­تۋالدىق سايىستىڭ تۋ-ەستافەتاسىن قابىلداپ العان بولسا, ەندى, مىنە, وسى وليمپياداعا ءبىر جىلدان بەرى دايىندىق جۇرگىزىپ كەلەمىز. الەمنىڭ بارلىق ەلدەرىنەن 600-دەي تالاپكەر قاتىسادى دەپ كۇتىلۋدە. تۋ-ەستافەتانى وتانىمىزعا الىپ كەلگەننەن كەيىن حالىقارالىق وليمپيادانى قارسى الۋ جونىندە ارنايى ون كۇندىك بەلگىلەنىپ, ەستافەتا تۋى پرەزيدەنت نۇرسۇلتان نازارباەۆ ءبىلىم العان مەكتەپتەن باستاپ تانىستىرىلدى. قازىر ەلى­مىزدىڭ بارلىق ايماقتارىندا بول­عان بۇل تۋ وليمپيادا قارساڭىندا ەلورداعا جەتكىزىلدى. جاقىندا حالىقارالىق ماتەماتيكالىق وليمپيادانىڭ كونسۋلتاتيۆتىك كەڭەسىنىڭ توراعاسى, پروفەسسور يوزەف پەليكان ەلىمىزگە كەلگەن ەدى. ءبىلىم جانە عىلىم مينيسترلىگىندە جانە وزگە دە مەكەمەلەردە بولىپ, اتقارىلعان جۇمىستارعا وڭ باعاسىن بەردى. اسىرەسە, بۋرابايداعى “بال­داۋرەن” وقۋ كەشەنىنەن, الماتى­داعى اتقارىلىپ جاتقان جۇمىس­تارمەن تانىسىپ, ونىڭ جوعارى دارەجەدە ۇيىمداستىرىلىپ جات­قا­نىنا ءدان ريزا ەكەنىن العا تارتىپ, ەڭ باستىسى ءبىلىم سايىسىنىڭ تاۋەلسىزدىك سارايىندا اشىلا­تى­نىن بىلگەندە تالانتقا قۇرمەت كورسەتۋدىڭ ۇلگىسى وسىنداي بولۋ كەرەك, دەپ اعىنان جارىلدى, – دەدى بىزبەن اڭگىمەسىندە ورتالىق ديرەكتورى. سۇلەيمەن مامەت.