العاشقى كەزدەرى تەك ورىسشا (كەيىننەن ارالاس, ياعني قازاق, ورىس تىلىندە, ءالى كۇنگە دەيىن سولاي) شىققان گازەتتىڭ اتى دا بىرنەشە رەت وزگەرتىلگەن.ماسەلەن,ول وتكەن عاسىردىڭ الپىسىنشى جىلدارى «كوممۋنيزم ءۇشىن» (ورىسشاسى «زا كوممۋنيزم») دەگەن اتپەن جارىق كورىپ تۇرعان. ال قازىرگى اتاۋى «NAQTY» (ناقتى). باس رەداكتورى – مۇنداي لاۋازىمعا يە ساناۋلى قازاق قىزىنىڭ ءبىرى, اقپارات سالاسىنىڭ ۇزدىگى, اۋداندىق ءماسليحاتتىڭ دەپۋتاتى اتلانا جاناتقىزى يساەۆا. ءبىزدىڭ دە ءبىراز جىل «زامان جارشىسى» اتالعان تۇستا بۇل باسىلىمدا تەر توككەنىمىز بار.
سونىمەن, الپىسىنشى جىلدارى دەدىك قوي, سونداعى رەداكتورى قاسيەتتى قاراساي جەرىنىڭ بەل بالاسى, بەلگىلى جۋرناليست-جازۋشى, ۇلى وتان سوعىسىنىڭ ارداگەرى, اۋداننىڭ ابىز اقساقالى اتانىپ, ءجۇز جاساعان مارقۇم ۇسەنباي تاستانبەكوۆ بولاتىن. ول كىسى تالاي تالانتتى جان-جاعىنا جيناعان جان ەدى. بۇعان ءبىر مىسال رەتىندە وسى جەرگە شىمكەنت جاقتان الماتىعا قاراي كەلگەن ايگىلى فوتوسۋرەتشى سايلاۋ پەرنەباەۆتى دا جاس شاعىندا جۇمىسقا العاشقى العانىن ايتقانىمىز ءجون. بۇل سوزىمىزگە ۇسەنباي اتامىزدىڭ ەڭبەكشىقازاق اۋداندىق گازەتىنە جەتەكشىلىك ەتكەندە تۇما جىردىڭ تۇنىعى, ۇلى اقىن تۇمانباي مولداعاليەۆتىڭ تۇڭعىش ولەڭىن جاريالاعانىن قوسساق شە!
1961 جىلى 10 مامىردا قاسكەلەڭ قالاسىندا تۇسىرىلگەن مىنا سۋرەتتە «كوممۋنيزم ءۇشىن» گازەتىندە قىزمەت ىستەيتىن جىگىتتەر بەينەلەنگەن – حاسان قازمۇحانوۆ (سولدان وڭعا قاراي), نۇرسۇلتان الىمقۇلوۆ, نۇرسۇلتان جۇنىسباەۆ, گريگوري مۋللين جانە مۇحامەتجان ەتەكباەۆ.
وسىلاردىڭ ىشىنەن نۇرسۇلتان الىمقۇلوۆ ء(ان ولەڭىنىڭ كلاسسيگى اتانعان اقىن, «قايىقتا», ء«الى ەسىمدە», «مويىنقۇمدا», «التىنىم», «الاتاۋ», «تاڭ سامالى» ءتارىزدى كوپتەگەن تاماشا ءاننىڭ ءسوزىن جازعان) پەن مۇحامەتجان ەتەكباەۆ (قازاق بالالار ادەبيەتىنىڭ كورنەكتى وكىلى, تۋىندىلارى ورىس, نەمىس, ۋكراين تىلىندە جارىق كورگەن, جامبىلدىڭ ادەبي-مەموريالدىق مۋزەيىن كوپ جىل باسقارعان) قارا ءۇزىپ شىعىپ, شىعارمالارى مەن ەسىمدەرى بۇكىل قازاققا تانىلدى عوي!
ءسوز سوڭىندا ەسكەرتەرىمىز, بۇل سۋرەت مارقۇم م.ەتەكباەۆتىڭ جەكە مۇراعاتىنان الىندى.
بەرىكباي قادىقوۆ,
جۋرناليست
الماتى وبلىسى,
قاراساي اۋدانى
