ماعجان جۇماباەۆ: ءومىر – وت ۇستىندە سالىنعان كوپىر

(XX-XXI عع.)

سۇلتانماحمۇت تورايعىروۆ

1) ءسوزىڭ – ءوزىڭ.

2) دۇنيە – قىزىقتىرعان قىزىل كيىك,

بار ادام قۋعان سونى كوڭىلى ءسۇيىپ.

كوپشىلىگى دالاقتاپ جەتە الماي ءجۇر,

ازشىلىعى كەنەلگەن قولعا ءتيىپ.

3) دۇنيەدە قىزىق بار ما ولمەگەندەي.

4) تاريح عىلىمىنىڭ پايداسى الدىڭعىلاردىڭ جىبەرگەن قاتەسىن كەيىنگىنىڭ قايتالاماۋىنا كومەكتەسەتىندىگىندە جاتىر.

5) ارمانىڭ بولسىن, ارمانعا قوسا دارمەنىڭ بولسىن.

6) ار ازىعى دەگەنىمىز – ادىلدىك.

7) ادامدى باقىتتى قىلاتىن ار ازىعىنىڭ ەر جەتۋى.

8) تاۋ باسىندا تۇرعاندى جارعا يتەرمە.

9) ولەر جەردەن كەتتىك ءبىز!

وسى كۇنگە جەتتىك ءبىز!

جاسايدى الاش, ولمەيمىز!

بەرنياز كۇلەەۆ

1) كوڭىل – داريا, وي – داۋىل.

2) بۇيتەرىن كىم ءبىلىپتى بۇل جالعاننىڭ,

سەندىم دە, ال دەگەنىن قابىل الدىم.

جولىمنان جاۋىز تاعدىر جاڭىلدىردى,

و, دۇنيە اي! مەزگىلىمنەن قاپى قالدىم.

ماعجان جۇماباەۆ

1) وسى كۇنى تۇرىك تىلدەرىنىڭ ىشىندە قازاق تىلىنەن باي, ورامدى, تەرەڭ ءتىل جوق. تۇرىك تىلىمەن سويلەيمىن دەگەن تۇرىك بالالارى كۇندەردە ءبىر كۇن اينالىپ قازاق تىلىنە كەلمەكشى.

2) ەردىڭ ەلگە باعاسى – قانى ءبىر بولۋىنان ەمەس, جانى ءبىر بولۋىندا.

3) التىن ءۇمىت ءۇزىلدى, ءتاتتى قيال بۇزىلدى.

4) ءومىر – وت ۇستىندە سالىنعان كوپىر.

5) تۇراندا تۇرىك ويناعان ۇقساپ وتقا,

تۇرىكتەن باسقا وت بوپ جان تۋىپ پا!

كوپ تۇرىك ەنشى الىپ تاراسقاندا,

قازاقتا قارا شاڭىراق قالعان جوق پا!

(ەربول شايمەردەن ۇلى قۇراستىرعان «قازاق افوريزمدەرى» كىتابىنان ىرىكتەلىپ الىندى)