فوتو: Polisia.kz
«اۋا تەمپەراتۋراسىنىڭ تومەندەۋى, قاتتى جەل, بورانعا بايلانىستى اۆاريالىق-قۇتقارۋ جۇمىستارىن جۇرگىزۋ قيىن بولىپ جاتىر. شقو اكىمدىگى اۋە بولىمشەسىنىڭ مي-8 تىكۇشاعى قار قۇرساۋىنان 29 ادامدى, ونىڭ ىشىندە 3 بالانى ەۆاكۋاتسيالادى. بارلىعى قالباتاۋ اۋىلىنا جەتكىزىلدى. ولارعا مەديتسينالىق كومەك قاجەت ەمەس. ۋاقىتشا جىلىتۋ پۋنكتىنە ورنالاستىرىلدى», دەلىنگەن تجم ءباسپاسوز قىزمەتىنىڭ حابارلاماسىندا.
اباي وبلىسى تجد باستىعى ماناربەك شاپاعاتوۆ وقيعا ورنىندا ءجۇر. جەدەل رەسپۋبليكالىق جانە وبلىستىق شتاب جۇمىس ىستەپ تۇر. توتەنشە جاعدايلار, قورعانىس, ىشكى ىستەر مينيسترلىكتەرىنىڭ, جەرگىلىكتى اتقارۋشى ورگانداردىڭ كۇشتەرى مەن قۇرالدارى جۇمىلدىرىلعان.
زارداپ شەككەندەرگە پسيحولوگيالىق كومەك كورسەتۋ ءۇشىن قالباتاۋ اۋىلىنىڭ «اباي اتىنداعى كوپسالالى مەكتەپ - گيمنازياسىنان» پسيحولوگ تارتىلدى.
«ارنايى تەحنيكا مەن پوليتسيانىڭ قىزمەتتىك ماشينالارى تراسسادا تۇرىپ قالعان ادامدارعا ءالى جەتە المادى. ساعات 13:15-تە مي-8 تىكۇشاعىنداعى قۇتقارۋشىلار قالباتاۋ اۋىلىنا 29 ادامدى ەۆاكۋاتسيالادى. جارما اۋدانىنىڭ اكىمدىگى «جول بولسىن» كافەسىندە جىلىتۋ پۋنكتىن ۇيىمداستىردى. ساعات 13:20-دا تجم تىكۇشاعى ەكىنشى رەيسكە كەتتى», دەلىنگەن ىشكى ىستەر مينيسترلىگىنىڭ حابارلاماسىندا.
ولاردىڭ ايتۋىنشا, كوكپەكتى اۋدانىنداعى بورانعا بايلانىستى ازىرگە تىكۇشاق قونا الماي تۇر.
بۇعان دەيىن اباي وبلىسىندا 100-دەن استام كولىك كەپتەلىستە تۇرىپ قالعانىن حابارلاعان ەدىك.
