الدىمەن ەرلان قوشانوۆ مەملەكەت باسشىسى قاسىم-جومارت توقاەۆتىڭ كونفەرەنتسياعا قاتىسۋشىلارعا ارنالعان قۇتتىقتاۋىن وقىپ بەردى.
– بەردىبەك ماشبەك ۇلى – تاۋەلسىز قازاقستاننىڭ قالىپتاسۋىنا جانە دامۋىنا ولشەۋسىز ۇلەس قوسقان كورنەكتى مەملەكەت جانە قوعام قايراتكەرى. ول ءار جىلدارى جوعارى لاۋازىمدى قىزمەتتەردى ابىرويمەن اتقارىپ, ەلىمىزدىڭ ءوسىپ-وركەندەۋىنە زور ەڭبەك ءسىڭىردى. بىرقاتار وڭىرگە جانە مەملەكەتتىك ورگاندارعا جەتەكشىلىك ەتىپ, پاراساتتى, ىسكەر ءارى بىلىكتى باسشى رەتىندە تانىلدى. حالىقتىڭ ەرەكشە سىي-قۇرمەتىنە بولەندى. قايراتكەر تۇلعانىڭ ادامي قاسيەتتەرى, كاسىبي بىلىكتىلىگى جانە ادال قىزمەتى – جاس مەملەكەتتىك قىزمەتشىلەرگە ءاردايىم ۇلگى-ونەگە, – دەلىنگەن پرەزيدەنت حاتىندا.
جيىندا پرەمەر-ءمينيستردىڭ ورىنباسارى ت. دۇيسەنوۆا, پارلامەنت سەناتى توراعاسىنىڭ ورىنباسارى ج.اسانوۆ, پرەزيدەنتتىڭ عىلىم جانە يننوۆاتسيالار ماسەلەلەرى جونىندەگى كەڭەسشىسى ك.زاكاريا, شىعىس قازاقستان وبلىسىنىڭ اكىمى ە.كوشەرباەۆ, قازاقستاننىڭ ەڭبەك ەرى ق.بايمەنوۆا جانە باسقا دا مەملەكەت, قوعام قايراتكەرلەرى ءسوز سويلەپ, بەردىبەك ماشبەك ۇلى تۋرالى جۇرەكجاردى ەستەلىكتەرىن ايتتى.
كونفەرەنتسيادا مەملەكەت جانە قوعام قايراتكەرى جايلى كىتاپتىڭ تۇساۋى كەسىلىپ, تاعىلىمدى ءومىر جولى تۋرالى ارنايى تۇسىرىلگەن فيلم كورسەتىلدى.
