ستۋدەنتتەرگە, ماگيسترانتتارعا, دوكتورانتتارعا, سونىمەن قاتار فيلوسوفيا مەن رۋحاني مادەنيەتكە قىزىعۋشىلىق تانىتقان قالىڭ وقىرمان قاۋىمعا باعىتتالعان بۇل شىعارمالاردىڭ 21 تومىنا «عىلىمي فيلوسوفيا ءپانى. بولمىس, ويلاۋ, ادام»/ «پرەدمەت ناۋچنوي فيلوسوفي. بىتيە, مىشلەنيە, چەلوۆەك»; «ۇعىنۋدان تىس فورما بۇكىلجالپى فورما, ادامي ءىس-ارەكەت فورماسى رەتىندە (قاجەتتىلىك الەمىنەن ەركىندىك الەمىنە)»/«نەپونياتايا فورما كاك ۆسەوبششايا فورما, كاك زاكون چەلوۆەچەسكوي دەياتەلنوستي (وت تسارستۆا نەوبحوديموستي ك تسارستۆۋ سۆوبودى); «كانت فيلوسوفياسى»; «گەگەل فيلوسوفياسى»; «شەكسپير – كەمەڭگەر سۋرەتكەر, دراماتۋرگ جانە ويشىل»/ «شەكسپير – گەنيالنىي حۋدوجنيك, دراماتۋرگ ي مىسليتەل» جانە تاعى باسقا ەڭبەكتەرى ەنگەن. 22 تومىنا – ممۋ-دىڭ ەلىمىزدەگى فيليالىنىڭ ستۋدەنتتەرىنە وقىلعان دارىستەر, «قوعام ەۆوليۋتسياسى ۇدەرىسىندەگى ءدىن ەۆوليۋتسياسى فورمالارى»/ «ەۆوليۋتسيا فورم رەليگي ۆ پروتسەسسە ەۆوليۋتسي وبششەستۆا»; ء«ومىر, ءولىم جانە ولمەستىكتىڭ فيلوسوفيالىق پروبلەماسى»/ «فيلوسوفسكايا پروبلەما جيزني, سمەرتي ي بەسسمەرتيا» جانە تاعى باسقا ماتەريالدار جيناقتالعان.
23 تومىنا ەنگەن ەڭبەكتەرى: «گنوسەولوگيچەسكايا رول كونكرەتنوگو پونياتيا»/«ناقتى ۇعىمنىڭ گنوسەولوگيالىق ءرولى», «رازۆيتيە تسەلوستنوگو چەلوۆەكا – تسەل ي سمىسل يستوريچەسكوگو پروتسەسسا»/ «تولىق ادام دامۋى – تاريحي ۇدەرىستىڭ ءمانى مەن ماقساتى», «اليحان بۋكەيحانوۆ كاك گلاۆنىي ۆىرازيتەل نوۆوي ناتسيونالنوي سۋدبونوسنوي يدەي»/ ء«اليحان بوكەيحانوۆ جاڭا ۇلتتىق بەتبۇرىستىق يدەيانىڭ باستى وكىلى رەتىندە», «رازۆيتيە چەلوۆەكا ي وتچۋجدەنيە»/ «ادام دامۋى جانە جاتسىنۋ» جانە تاعى باسقا.
24 تومىنا «ستو لەت ابسۋردا, پروتيۆورەچي ي پارادوكسوۆ»/ «ابسۋرد, قايشىلىق پەن پارادوكستاردىڭ ءجۇز جىلى», «پراۆدا ي لوج و ناروداح ۆەليكوي ستەپي»/« ۇلى دالا حالقى تۋرالى شىندىق پەن وتىرىك», «ەۆوليۋتسيا ناتسيونالنوي يدەي كازاحوۆ»/ «قازاق ۇلتتىق يدەياسىنىڭ ەۆوليۋتسياسى», «ۆەليكيە سۋدبونوسنىە ەپوحي ۆ يستوري نارودوۆ»/ «تاريحتاعى ۇلى, بەتبۇرىس داۋىرلەر», «ۆىدايۋششيەسيا دەياتەلي كازاحسكوگو نارودا ۆ XX ۆەكە»/ «قازاق حالقىنىڭ XX عاسىرداعى كورنەكتى قايراتكەرلەرى», «فەنومەن تيرانا»/ «تيران فەنومەنى» جانە تاعى باسقا شىعارمالارى ەنگەن.
شىعارمالار جيناعىنىڭ 25 تومى ابايدىڭ تولىق ادام تۋرالى ويىن بىلگىسى كەلەتىن قاۋىمعا ارنالعان. مونوگرافيا قازاق تىلىندە (جۋرناليست ج. سۇلەيمەنوۆپەن بىرلەسە وتىرىپ) جانە ورىس تىلىندە جازىلعان.
وسى ەڭبەكتەرىندە فيلوسوفيالىق ويلاۋ مادەنيەتىنىڭ مايتالمانى جابايحان مۇباراك ۇلى ادامزاتتىڭ وتكەنى مەن بۇگىنىنە سىني كوزقاراسپەن سالىستىرمالى تالداۋ جاساعان. قوعامىمىزدىڭ بۇگىنگى وزەكتى ماسەلەلەرى دە جان-جاقتى, جۇيەلى, نەگىزدەلگەن, لوگيكالىق دايەكتەلگەن ىڭعايمەن فيلوسوفيالىق تۇرعىدان تالدانعان. بۇل اۆتوردىڭ جازعانىنىڭ بارىمەن باس شۇلعىپ كەلىسە بەرۋ دەگەندى بىلدىرمەيدى, ارينە. فيلوسوفيانىڭ ماڭگى ماسەلەلەرى تۋرالى وي قوزعاعاندا الەمدىك دەڭگەيدەگى ويشىلدارمەن قاتار قازاق دانالىعىن, ابايدىڭ وي-تولعاۋلارىن ورنىمەن قولداناتىنى ءسۇيسىندىردى. سوڭعى 25 تومىن «ابايدىڭ كەمەلدىك, تولىق ادام جولى» دەپ اتاپ قازاق تىلىندە جازعانىنىڭ دا سيمۆولدىق ماعىناسى بار.
«الۋان-الۋان جۇيرىك بار, الىنە قاراي شابادى» دەگەندەي, قازىر ەلىمىزدىڭ فيلوسوفيا كەڭىستىگىندە شاما-شارقىنشا ءسوز الىپ, قالام تارتىپ جۇرگەن ارىپتەستەرىمىز بارشىلىق. ولاردىڭ ىشىندە ۇشقارى, دايەكسىز ءسوز ايتۋدان بويىن اۋلاق ۇستايتىن, جۇيەلى, لوگيكالىق, سىني ويلاۋدىڭ شەبەرى, عىلىمي ويلاۋ ءستيلىنىڭ تەمىرقازىعى جابايحان ءابدىلدين سىندى فيلوسوف, عالىم اعامىزدىڭ ەڭبەگى ەلەۋلى ەكەنى انىق.
مۇحيتتىڭ ارعى جاعىنان دەنساۋلىعىن تۇزەپ كەلگەن سوڭ, فيلوسوف اعامىزبەن سۇحباتتاسۋ ساتتەرى دە تۋار دەپ ۇمىتتەنەمىز.
گۇلنار اداەۆا,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى
فيلوسوفيا كافەدراسىنىڭ پروفەسسورى م.ا.
