فوتو: Polisia.kz
ورداباسىلىق پوليتسەيلەر كولىك جۇرگىزۋشىلەرىن جولدا مۇقيات بولۋعا شاقىرىپ قانا قويماي, ولارعا جىلى سوزدەر جازىلعان ارنايى كارتوچكالار ۇسىندى.
ء«سىز جاقسى جۇرگىزۋشىسىز»,ء «سىزدىڭ كۇلكىڭىز ادەمى», ء«سىز وتە ادەمىسىز»,ء «سىز جول ەرەجەسىن قاتاڭ ساقتايتىن جانسىز». ءتارتىپ ساقشىلارى جۇگىنگەن مۇنداي ءادىس جۇرگىزۋشىلەردىڭ نازارىن اۋدارىپ, ايرىقشا اسەر سىيلادى.
«بىرلەسكەن كۇش-جىگەرمەن عانا ءبىز جول قوزعالىسىنىڭ بارلىق قاتىسۋشىلارى ءۇشىن جولدى قاۋىپسىز ەتە الامىز. كىشكەنتاي قاتەلىكتىڭ ءوزى قايعىلى جاعدايعا اكەلۋى مۇمكىن. ءاربىر جۇرگىزۋشى مەن جاياۋ جۇرگىنشى جولدىڭ ءاردايىم قاۋىپ-قاتەرمەن بايلانىستى ەكەنىن ءتۇسىنىپ, مۇقيات ءارى جاۋاپتى بولۋى قاجەت», دەلىنگەن ورداباسى اۋداندىق پوليتسيا ءبولىمىنىڭ ءباسپاسوز قىزمەتى تاراتقان حابارلامادا.
