ءوڭىر باسشىسى ەرماعانبەت بولەكپاەۆ ۇكىمەت باسشىسىنا وبلىس بويىنشا 61 ينۆەستيتسيالىق جوبادان تۇراتىن پۋل قۇرىلعانىن ايتتى. جالپى قۇنى 1,5 ترلن تەڭگەنى قۇرايتىن جوبالار 14 مىڭنان استام جۇمىس ورنىن قۇرۋعا مۇمكىندىك بەرەدى. ولاردىڭ باسىم كوپشىلىگى تاۋ-كەن ونەركاسىبى, مەتاللۋرگيا جانە قۇرىلىس سالالارىن قامتيدى.
2024 جىلى 252 ملرد تەڭگەگە 10 ينۆەستيتسيالىق جوبانى ىسكە اسىرۋ جوسپارلانىپ وتىر. اتاپ ايتقاندا, كاتودتى مىس, كرەمني قورىتپالارى, جەل ەنەرگەتيكاسى مۇنارالارى, مىرىشتالعان مەتالل بۇيىمدارى جانە ت.ب. شىعارۋ بويىنشا جاڭا وندىرىستەر اشىلۋعا ءتيىس. ساران قالاسىندا جۇك اۆتوموبيلدەرىنىڭ ءوندىرىسى ىسكە قوسىلادى.
«سارىارقا» ارنايى ەكونوميكالىق ايماعىن ارالاۋ بارىسىندا ولجاس بەكتەنوۆ «Steel Manufacturing» پاترون زاۋىتىنىڭ جۇمىسىمەن تانىستى. بيىل ۆينتوۆكا پاتروندارى جەلىسىن ىسكە قوسۋ جۇمىستارىن اياقتاۋ جوسپارلانىپ وتىر, سونداي-اق ءتۇرلى كاليبردەگى پاترونداردىڭ سەريالىق ءوندىرىسى ىسكە قوسىلادى دەپ جوسپارلانعان.
قازاقستاندىق پاترون زاۋىتى – قورعانىس-ونەركاسىپ كەشەنىندەگى جوعارى تەحنولوگيالىق بىردەن-ءبىر كاسىپورىن. مۇندا قاۋىپسىزدىك ماسەلەسىنە جانە ءوندىرىستى اۆتوماتتاندىرۋعا باسىمدىق بەرىلگەن, وندىرىستىك ۇدەرىستىڭ بارلىعى ادامنىڭ قاتىسۋىنسىز, اۆتوماتتى تۇردە جۇزەگە اسىرىلادى. بۇعان دەيىن قازاقستاندا وق-ءدارى ءوندىرىسى بولماعان, ال ەلدىڭ قاجەتتىلىكتەرى بۇرىنعى قورلاردىڭ ەسەبىنەن جابىلىپ كەلدى نەمەسە شەتەلدەن ساتىپ الىندى.
پرەمەر-مينيستر زاۋىت وندىرىستىك قۋاتىن تولىعىمەن پايدالانىپ جۇمىس ىستەۋى كەرەك ەكەنىن, سول سەبەپتى ونى سالالىق ۆەدومستۆولاردىڭ جوسپارعا ساي تاپسىرىستارىمەن جۇكتەۋ قاجەتىن اتاپ ءوتتى.
سونداي-اق ولجاس بەكتەنوۆ «قاراعاندى – بالقاش – الماتى» اۆتوجولىن رەكونسترۋكتسيالاۋ بارىسى تۋرالى باياندامالاردى تىڭدادى. بۇگىنگى تاڭدا جاڭا اسفالت بويىنشا جول قوزعالىسى قامتاماسىز ەتىلگەن, اينالما جولدار تەك جول وتپەلەرى سالىنىپ جاتقان ۋچاسكەلەردە عانا قالىپ وتىر.
«قازاۆتوجول» كومپانياسىنىڭ باسشىسى دارحان يماناشەۆتىڭ ايتۋىنشا, 11 كوپىر مەن نىسان بويىنشا جۇمىستار اياقتالىپ, بالقاش قالاسىن اينالىپ وتەتىن جەردە تەمىرجول كوپىرى ارقىلى وتپە جول سالىندى. وعان قوسا تاسجول بويىندا 18 دەمالىس الاڭى, ونىڭ ىشىندە سانيتاريالىق-گيگيەنالىق توراپتار سالىنباق. جوبانى اياقتاۋ ءۇشىن قازىر جول قۇرىلىسى ماتەريالدارى مەن قاجەتتى جايلاستىرۋ ەلەمەنتتەرى بەلسەندى تۇردە دايىندالىپ جاتىر.
ۇكىمەت باسشىسى بارلىق جۇمىستى جىل سوڭىنا دەيىن اياقتاۋ قاجەتىن اتاپ ءوتتى. بۇل رەتتە ول قوسىمشا ارنايى تەحنيكانى ءبولۋ جانە ۇزىن-سونار كەپتەلىستەردى بولدىرماۋ ءۇشىن اۆتوجولدارداعى قار تازالاۋ شارالارىن كۇشەيتۋدى تالاپ ەتتى.
ودان كەيىن ولجاس بەكتەنوۆ «Qarmet» مەتاللۋرگيالىق كومبيناتىنىڭ وندىرىستىك تسەحتارىنا باردى. بۇگىنگى تاڭدا كومبينات – رەسپۋبليكاداعى تولىق وندىرىستىك تسيكلى بار ءىرى تاۋ-كەن جانە بولات كاسىپورىندارىنىڭ ءبىرى. پرەزيدەنت قاسىم-جومارت توقاەۆتىڭ تاپسىرماسىمەن مەملەكەت ونى ءارى قاراي دامىتۋعا قاجەتتى قولداۋ كورسەتىپ كەلەدى.
ولجاس بەكتەنوۆ №3 دومنا پەشىنىڭ, تاباقشا مەتالدى يلەمدەۋ تسەحىنىڭ, سونداي-اق ىستىق كۇيدە مىرىش جانە اليۋميني جاساۋ تسەحتارىنىڭ جۇمىسىمەن تانىستى.
مۇندا پرەمەر-مينيستر مەتاللۋرگتەرمەن اڭگىمەلەسىپ, كاسىبي ماماندىق مارتەبەسىن ارتتىرۋ, جالاقىنى ۇلعايتۋ, جاس مامانداردى دايارلاۋ ءۇشىن جاڭا وقۋ ورىندارىن قۇرۋ, بۇدان باسقا دا بىرقاتار ماسەلە كوتەرىلدى.
ۇكىمەت باسشىسى كوتەرىلگەن ماسەلەلەردىڭ بارلىعى جانە «Qarmet»-ءتىڭ الداعى جۇمىسى مەملەكەتتىڭ باقىلاۋىندا بولاتىنىنا سەندىردى.
«جاڭا ينۆەستور ءوندىرىستى جاڭعىرتۋعا جانە قاۋىپسىزدىك دەڭگەيىن ارتتىرۋعا اۋقىمدى ينۆەستيتسيالار سالۋ بويىنشا مىندەتتەمەلەر قابىلدادى. بۇل بوس ءسوز ەمەس, مۇنىڭ ءبارى قاعازعا قاتتالعان جانە مەملەكەتتىڭ باقىلاۋىندا بولادى. پرەزيدەنت بارلىق ءتيىستى تاپسىرمانى بەردى. كومبيناتتىڭ تىنىسى كەڭەيىپ, جاڭا ومىرگە جول اشاتىنىنا سەنىمدىمىز. بۇل – وتاندىق ونەركاسىپتىڭ ماقتانىشى. ءبىز ءوز تاراپىمىزدان باقىلاپ, جان-جاقتى قولداۋ كورسەتەتىن بولامىز», دەدى و.بەكتەنوۆ.
سونىمەن قاتار پرەمەر-مينيستر سالالىق ۆەدومستۆولار باسشىلارىنىڭ, جاڭا ينۆەستوردىڭ, اكىمدىك وكىلدەرىنىڭ جانە كاسىپورىن قىزمەتكەرلەرىنىڭ قاتىسۋىمەن «Qarmet»-ءتىڭ وزەكتى ماسەلەلەرىن شەشۋ جانە ودان ءارى دامىتۋ جونىندە كەڭەس وتكىزدى.
«Qarmet» اكتسيونەرى اندرەي لاۆرەنتەۆ 2028 جىلعا قاراي تەمىر كەنى كونتسەنتراتىن شىعارۋدى 5 ملن تونناعا دەيىن ۇلعايتۋ, 9 ملن توننا كومىر جانە 5 ملن توننا بولات ءوندىرۋ جوسپارلانىپ وتىرعانىن ايتتى.
وعان قوسا ۇكىمەت باسشىسىنىڭ نازارىنا حيميا, مۇناي, قۇرىلىس جانە كەمە جاساۋ سالالارى ءۇشىن بولاتتىڭ جاڭا جانە پرەميۋم ماركىلەرىن شىعارۋ, جۇك تەحنيكاسىن, اۆتوبۋستاردى, اۋىل شارۋاشىلىعى تەحنيكاسىن, تەمىرجول ۆاگوندارىن جانە ت.ب. ءوندىرۋ الەۋەتى ۇسىنىلدى. اسىرەسە اۆتوموبيل جاساۋ كەزىندە پايدالانىلاتىن بولاتتىڭ جەكەلەگەن تۇرلەرىنە ەرەكشە نازار اۋدارىلماق, بۇل وتاندىق ماشينا جاساۋ ءوندىرىسىن لوكاليزاتسيالاۋعا وڭ اسەر ەتەدى. جالپى, الەمدىك نارىقتاعى ءونىمنىڭ جاڭا ماركىلەرىنە دەگەن سۇرانىس كومبيناتتىڭ ورتالىق ازيا مەن تمد مەتاللۋرگياسى كوشباسشىلارىنىڭ ءبىرى رەتىندەگى مارتەبەسىن قايتارۋعا مۇمكىندىك بەرەدى دەپ كۇتىلمەك.
كومپانيا ءۇشىن باسىمدىققا يە تاعى ءبىر پەرسپەكتيۆالى باعىت – كومىر حيمياسى. ءپيروليزدى كونۆەرسيالاۋ تەحنولوگياسىنا سۇيەنە وتىرىپ, كومىردى پايدالى ونىمدەر مەن شيكىزات رەتىندە وڭدەۋ جوسپارلانىپ وتىر. بۇل قاراعاندى كومىر باسسەينىنىڭ قايتا تۇلەۋىنە ەلەۋلى سەرپىن بەرمەك.
بارلىق ستراتەگيالىق مىندەتكە قول جەتكىزۋ ءۇشىن ولجاس بەكتەنوۆ ۋاكىلەتتى مەملەكەتتىك ورگاندارعا كاسىپورىننىڭ وزەكتى ماسەلەلەرىن پىسىقتاۋدى تاپسىردى. اتاپ ايتقاندا, «Qarmet»-ءتى تابيعي گازبەن قامتاماسىز ەتۋ ماسەلەسىن شەشۋ كەرەك, بۇل ءوز كەزەگىندە تەمىرتاۋ قالاسىنىڭ ەكولوگياسىن تۇبەگەيلى جاقسارتۋعا مۇمكىندىك بەرەدى.
وسى ورايدا پرەمەر-مينيستر كومپانيانىڭ ينۆەستيتسيالىق جوسپارلارىن ىسكە اسىرۋدى بارىنشا جەدەلدەتۋ قاجەتىن اتاپ ءوتتى, بۇل قازاقستان ەكونوميكاسىنىڭ قۇرىلىمىن وزگەرتۋگە ەلەۋلى ۇلەس قوسپاق.
Saran يندۋستريالىق ايماعىن ارالاۋ كەزىندە ۇكىمەت باسشىسى 2021 جىلى ىسكە قوسىلعان اۆتوبۋس شىعاراتىن «Qaztehna» زاۋىتىنىڭ جۇمىسىمەن تانىستى.
بۇگىنگى تاڭدا كاسىپورىندا شاعىن توراپتى قۇراستىرۋ, دانەكەرلەۋ جانە بوياۋ تسەحتارى جۇمىس ىستەيدى. 2023 جىلى مۇندا 1 700-گە جۋىق اۆتوبۋس شىعارىلدى. زاۋىتتىڭ ءونىمى قازاقستاننىڭ ىشكى نارىعىنا, سونداي-اق ەاەو ەلدەرىنە جىبەرىلەدى.
سودان كەيىن ولجاس بەكتەنوۆ اۆتوموبيل شينالارىن شىعاراتىن «KamaTyresKZ» كاسىپورنىنا باردى. مۇندا كوكتەمدە سەريالىق ءوندىرىستى باستاۋ جوسپارلانىپ وتىر. ول ءۇشىن ارنايى كۋرستاردان ءبىلىم العان 500-دەن استام قىزمەتكەر بۇگىندە جۇمىسقا كىرىسۋگە دايىن, ال كاسىپورىن تولىق قۋاتىنا شىققاننان كەيىن قوسىمشا 1 000-نان استام جۇمىس ورنى اشىلماق.
جوباعا 214 ملرد تەڭگەدەن استام ينۆەستيتسيا سالىندى. جوبالىق قۋاتى جىلىنا 3,5 ملن جەڭىل, جەڭىل جۇك جانە جۇك شيناسىن قۇرايدى. قازىرگى ۋاقىتتا مۇندا جابدىقتاردى مونتاجداۋ جانە ىسكە قوسۋ, رەتكە كەلتىرۋ جۇمىستارى ءجۇرىپ جاتىر.
