عاني بەيسەمباەۆ قارقىندى دامىپ جاتقان ەڭبەك نارىعى تەحنيكالىق جانە كاسىپتىك ءبىلىم بەرۋ جۇيەسىن ترانسفورماتسيالاۋدى تالاپ ەتەتىنىن جەتكىزدى.
- كوللەدجدەردى تۇگەندەۋ جانە پروفيلدەۋ جۇرگىزىلەدى. بەيىندىك سالالىق كلاستەرلەرگە سايكەس جۇرگىزىلەدى: وڭتۇستىك – ونەركاسىپ, HOREGA قىزمەتتەرى; ورتالىق جانە شىعىس – قۇرىلىس, ماشينا جاساۋ; سولتۇستىك – اۋىل شارۋاشىلىعى جانە باتىس – مۇناي ءوندىرۋ, قىزمەت كورسەتۋ جانە ت.ب. بۇل اكادەميالىق جانە وندىرىستىك بازالاردى سالالىق كوللەدجدەرگە توپتاستىرۋعا مۇمكىندىك بەرەدى. از كونتينگەنتتەرى بار اۋىلدىق كوللەدجدەردى جەتەكشى كوللەدجدەرمەن ينتەگراتسيالاۋ جالعاسادى, - دەدى مينيستر.
سونداي-اق ونىڭ ايتۋىنشا, وبلىس ەكونوميكاسىنىڭ قاجەتتىگىن ەسكەرە وتىرىپ, سالالىق قۇزىرەت ورتالىقتارىنىڭ جەلىسى كەڭەيتىلەدى. ولار ستۋدەنتتەردىڭ پراكتيكالىق وقۋىنا, مامانداردى قايتا دايارلاۋىنا جانە شاعىن بىلىكتىلىك الۋىنا نەگىز بولادى.
- تەحنيكالىق جانە كاسىپتىك ءبىلىم بەرۋ جۇيەسىن قارجىلاندىرۋدىڭ يكەمدى مودەلى ازىرلەنىپ جاتىر. سونداي-اق ۇلتتىق بىلىكتىلىك جۇيەسىنىڭ تسيفرلىق پلاتفورماسىمەن ينتەگراتسيالانعان ءبىلىم بەرۋ باعدارلامالارىنىڭ ۇلتتىق پورتفوليوسى ازىرلەنەدى", - دەدى عاني بەيسەمباەۆ.
