14 اقپاندا قر ۇلتتىق وليمپيادا كوميتەتىنىڭ تاۋەلسىز سايلاۋ كوميسسياسىنىڭ وتىرىسى وتكەن. شارا بارىسىندا كوميتەت پرەزيدەنتتىگىنە كانديداتتاردى ۇسىنۋ ماسەلەسى قارالدى
«فەدەراتسيالار ۇوك پرەزيدەنتتىگىنە گەننادي گەنناديەۆيچ گولوۆكيننىڭ كانديداتۋراسىن ۇسىندى», دەلىنگەن كوميتەتتىڭ ۇوك باس اسسامبلەياسىنىڭ مۇشەلەرىنە جولداعان رەسمي حاتىندا.
بوكستان بۇرىنعى الەم چەمپيونى ۇوك باسشىسى رەتىندە قازاقستاندىق ميللياردەر تيمۋر ق ۇلىباەۆتىڭ ورنىنا كەلەدى دەگەن دەرەك ءبىر اپتا بۇرىن تاراي باستاعان.
ايتا كەتەيىك, 41 جاستاعى گولوۆكين سوڭعى رەت رينگكە 2022 جىلدىڭ قىركۇيەگىندە شىققان, ول تريلوگيادا لاس-ۆەگاستا (اقش) مەكسيكالىق ساۋل كانەلو الۆارەستەن جەڭىلگەن بولاتىن.
كوپ ۇزاماي GGG WBA, IBF جانە IBO تۇجىرىمدارى بويىنشا ورتا سالماقتاعى الەم چەمپيوندىق تيتۋلدارىن قايتارىپ بەردى. گولوۆكين كاسىبي سپورتتا 42 جەڭىسكە جەتتى (ونىڭ 37-ءسى نوكاۋتپەن), ەكى جەڭىلىس پەن ءبىر تەڭ ويىن كورسەتتى.
