پوليتسەيلەردىڭ تاۋلىكتىك كەزەكشىلىگى باستالا سالا ولارعا سۇڭقار 6 ىقشام اۋدانىنىڭ 1-پاتەرىندە ءتۇتىن كورىنگەنى جانە ۇيدە ادامدار بار بولۋى مۇمكىن ەكەنى حابارلانعان.
وقيعا ورنىنا دەرەۋ كەلگەن ءتارتىپ ساقشىلارى ءورت ءسوندىرۋ قىزمەتى كەلگەنگە دەيىن پاتەردىڭ ەسىگىن قاقتى. تەمىر ەسىك ىشىنەن جابىلعان ەدى. پوليتسيا قىزمەتكەرلەرى ىشتە كىم بار-جوعىن بىلۋگە تىرىسقان. الايدا, ەشكىم جاۋاپ قاتپاعان. جاعدايدىڭ اۋىرلىعىن تۇسىنگەن پوليتسيا قىزمەتكەرلەرى ءوز بەتىنشە ىشكە كىرۋگە شەشىم قابىلداعان.
ء«ار سەكۋند ماڭىزدى بولدى. ارىپتەسىم مەنى تەرەزەگە جەتۋ ءۇشىن ءوز مويىنىنا وتىرعىزدى, سودان كەيىن اينەكتى سىندىرىپ, ىشكە كىردىم. قوناق بولمەسىندە ورنالاسقان قوقىس ءۇيىندىسى ورتەنىپ كەتكەنىن بىردەن ءتۇسىندىم. بۇكىل ءۇي ءىشى تۇتىنگە تولى بولعاندىقتان, باعدارلاۋ وتە قيىن بولدى. مەن بولمەلەردى ارالاپ شىقتىم, سول جەردە پاتەردىڭ كىلتى قايدا ەكەنىن ايتالماي جاتقان اجەنى كوردىم. جان-جاعىما قاراسام, تەرەزە جانىندا ەر ادامدى بايقادىم, ول دا مەنىڭ كىلتتەردى تابۋ تۋرالى وتىنىشىمە جاۋاپ بەرمەدى. كەيىنىرەك مەنىڭ سەرىكتەسىم تەرەزەدەن كوتەرىلىپ, كىلتتەردى بىرگە ىزدەي باستادىق. ءتۇتىننىڭ اراسىندا 3 مينۋت بولدىق. قۋانىشىمىزعا وراي, كىلتتەر تابىلىپ, ءبىز ءبارىمىز ۇيدەن شىقتىق, ال اجەنى تورتەۋىمىز بىرگە كوتەرىپ الىپ شىقتىق», دەدى پوليتسەي ايدىن ەرماعانبەتوۆ.
ەسىك اشىلعاننان كەيىن پوليتسەيلەر ءورتتى سوندىرە باستادى. وسى ۋاقىتتا جەدەل جاردەم مەن ءورت سوندىرۋشىلەر كەلدى. كەيىنىرەك 65 جاستاعى قارت ايەلدىڭ جۇرە المايتىندىعى انىقتالدى. ول دەرەۋ جەدەل جاردەم ماماندارىنا تاپسىرىلدى. وزىنە كەلگەننەن كەيىن, ول فەلدشەرلەردىڭ كوندىرۋىنە قاراماستان اۋرۋحاناعا جاتقىزۋدان باس تارتتى.
ءتارتىپ ساقشىلارى ءورت شىققان ۇيدە گاز باللون بولعاندىقتان, ءورتتىڭ قوناق بولمەسىنە باستالعانى اسا قاۋىپ توندىرمەگەن. پوليتسيا ءورت سوندىرۋشىلەردىڭ كەلۋىن كۇتپەي, ادامداردى ەۆاكۋاتسيالاپ, قۇتقارا الدى. وسىلايشا, وقىس وقيعا كەزىندە ەشكىم زارداپ شەككەن جوق.
