ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆانىڭ ايۋىنشا, 2019 جىلى اتاۋلى الەۋمەتتىك كومەك الاتىندار سانى 2,2 ملن ادام بولسا بىلتىر بۇل كورسەتكىش 600 مىڭ ادامدى قۇراعان.
ول بۇگىن ۆەدومستۆونىڭ كەڭەيتىلگەن القا وتىرىسىندا وتباسىنىڭ تسيفرلىق كارتاسىن پايدالانىپ, مەملەكەتتىك جانە مەملەكەتتىك ەمەس ۇيىمداردىڭ جۇيەلەرىمەن ينتەگراتسيالاۋ ارقىلى اتاۋلى الەۋمەتتىك كومەكتى تولىعىمەن ترانسفورماتسيالاۋ جوسپارلانىپ وتىرعانىن اتاپ ءوتتى.
«بۇل قاراجاتتىڭ ماقساتتى پايدالانىلۋىن قامتاماسىز ەتۋ ماقساتىندا الەۋمەتتىك كومەك الۋشىلاردى, بيۋدجەتتىڭ شىعىس بولىگىن ايقىنداۋعا مۇمكىندىك بەرەدى. كومەككە مۇقتاج وتباسىلارعا كەشەندى قولداۋ كورسەتۋدىڭ ناقتى رەگلامەنتى ازىرلەنەدى. اتاۋلى الەۋمەتتىك كومەك تاعايىنداۋ ترانسفورماتسياسىنىڭ بارلىق پروتسەسىندە ادام فاكتورىن بولدىرماۋ ءۇشىن تسيفرلاندىرۋ نەگىزگى كومپونەنت بولادى», دەدى سۆەتلانا جاقىپوۆا.
بىلتىر وسى ماقساتقا مەملەكەتتىك بيۋدجەتتەن 57,4 ملرد تەڭگە جۇمسالعان ەدى.
