فوتو: rsk_aqtobe
اقتوبە وبلىسى ءبىلىم باسقارماسىنىڭ مالىمەتىنشە Telegram ارناسىنداعى چات-بوت تاپسىرمالاردى وقۋشىلاردىڭ ەسىنە سالىپ, ونى تۇسىندىرەدى جانە كەرى بايلانىستى قولدايدى. پەداگوگتىڭ ايتۋىنشا بۇلاي سويلەسۋ وقۋشىلارعا ۇناعان. مۇعالىمدەر مەن اتا-انالار دا مۇنداي جاڭاشىلدىق بالالاردىڭ ءپان بويىنشا بىلىكتىلىگىن ارتتىرۋعا كومەكتەسكەنىن مويىنداپ وتىر.
«بۇل قوسىمشا – مەن ءۇشىن دە, بالالار ءۇشىن دە ماڭىزدى كومەكشى. بايقايمىن, بالالاردىڭ ماتەماتيكا سياقتى قىزىقسىز ءارى كۇردەلى بولىپ كورىنەتىن پانگە دەگەن قىزىعۋشىلىعى ارتىپ, نەعۇرلىم ۇيىمشىل بولعان. قوسىمشا وقۋ ءۇردىسىنىڭ مەنەدجمەنتىن ۇيىمداستىرۋعا كومەكتەسەدى. وقۋشى ونى تاۋلىك بويى قولدانا الادى. بوت ولارعا اۆتوماتتى تۇردە جاۋاپ بەرەدى. قاجەت بولسا مەنىمەن بايلانىس ورناتادى», دەيدى مۇعالىم.
جاڭاشىل مۇعالىم ءدارىس بەرەتىن ەكى كلاستا ەلەكتروندى قوسىمشا تەستىلەۋدەن وتكىزىلىپ جاتىر. تاجىريبە ءتيىمدى بولىپ شىقسا, اتالعان جاڭالىق بارلىق جەردە ەنگىزىلەتىن بولادى.
