فوتو: egemen.kz
ايجان ەسماعامبەتوۆا قول قويعان قاۋلىدا مەديتسينالىق مەكەمەلەردە مىندەتتى ماسكا تاعۋ رەجيمىنە ءوتۋ تاپسىرىلعان.
«سانيتاريالىق-ەپيدەميولوگيالىق باقىلاۋ كوميتەتىنىڭ وبلىستاردىڭ, الماتى, استانا, شىمكەنت قالالارىنىڭ دەنساۋلىق ساقتاۋ باسقارمالارىنىڭ, اۋماقتىق دەپارتامەنتتەرىنىڭ باسشىلارى:
- مەديتسينالىق ۇيىمداردا پەرسونالدىڭ جانە كەلۋشىلەردىڭ مەديتسينالىق ماسكالاردى پايدالانۋىن, انتيسەپتيكتەردىڭ بولۋىن;
- حالىق اراسىندا COVID-19 كوروناۆيرۋس ينفەكتسياسىنىڭ, تۇماۋدىڭ جانە جرۆي پروفيلاكتيكا شارالارى تۋرالى اقپاراتتىق-ءتۇسىندىرۋ جۇمىسىن جۇرگىزۋدى قامتاماسىز ەتسىن», دەلىنگەن قاۋلىدا.
سونداي-اق, باس سانيتار وبلىستار مەن الماتى, استانا, شىمكەنت قالالارىنداعى حالىق كوپ جينالاتىن جەرلەردە: اۋەجايلار, تەمىرجول ۆوكزالدارى, اۆتوۆوكزالدار, بازارلار, ساۋدا-ويىن-ساۋىق ورتالىقتارى, ساۋدا ۇيلەرى, تەاترلار, كينوتەاترلار, حقكو-ى, بانكتەر ت.ب. جانە كولىكتىڭ بارلىق تۇرلەرىندە: قوعامدىق كولىك, اۋە, تەمىر جول قاتىناستارىندا مەديتسينالىق نەمەسە ماتادان تىگىلگەن ماسكا پايدالانۋدى ۇسىندى.
قاۋلى قول قويىلعان كۇننەن باستاپ كۇشىنە ەنەدى.
