فوتو: paryz.kz
«اتىراۋ وبلىسى بويىنشا سىبايلاس جەمقورلىققا قارسى قىزمەت پەن وبلىس پروكۋراتۋراسى «اشم ۆەتەريناريالىق باقىلاۋ جانە قاداعالاۋ كوميتەتىنىڭ اتىراۋ وبلىستىق اۋماقتىق ينسپەكتسياسى» مم باسشىسىنا قاتىستى سوتقا دەيىنگى تەرگەۋدى باستادى. ول تاۋارلاردى قازاقستان مەن رەسەي شەكارالارىنىڭ شەكتەسكەن ۋچاسكەسىندە كەدەن وداعىنىڭ كەدەندىك شەكاراسى ارقىلى وتكىزۋ كەزىندە ولاردىڭ زاڭدى قىزمەتىن جەدەل جانە كەدەرگىسىز جۇزەگە اسىرعانى ءۇشىن سىرتقى ەكونوميكالىق قىزمەتكە قاتىسۋشىلاردان 2 100 000 تەڭگە سوماسىندا پارا الدى دەگەن كۇدىككە ءىلىندى», دەلىنگەن حابارلامادا.
تەرگەۋ ءالى دە جالعاسادى. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتىلمەيدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
