دارىسكە ۋنيۆەرسيتەتتىڭ جۋرناليستيكا جانە ءدىنتانۋ ماماندىقتارىندا ءبىلىم الىپ جاتقان ستۋدەنتتەر قاتىستى. كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ باسقارما توراعاسى بولات سارسەنباەۆ ستۋدەنتتەردى, ماگيسترانتتاردى جانە پەداگوگيكالىق ۇجىمدى بەيبىت ءومىر ءسۇرۋدىڭ, تولەرانتتى قوعام قۇرۋدىڭ جانە كونفەسسياارالىق ديالوگتىڭ قازاقستاندىق ۇلگىسىمەن تانىستىردى. سونداي-اق الەمدىك جانە ءداستۇرلى دىندەر كوشباسشىلارىنىڭ VII سەزىنىڭ قورىتىندىلارى جانە تۇجىرىمدامانىڭ بەيبىتشىلىك يدەيالارىن ىلگەرىلەتۋدەگى ەرەكشە ءرولى تالقىلاندى.
«دامۋ تۇجىرىمداماسى پرەزيدەنت ق.توقاەۆتىڭ باستاماسىمەن سەزدىڭ جاھاندىق قوعامداستىقتا دىنارالىق ديالوگ الاڭىن نىعايتۋ ماقساتىندا ازىرلەندى. بۇل – ءبىلىم بەرۋ مەكەمەسى مەن جالپى سالا ءۇشىن تۇجىرىمداما جانە ونىڭ مادەنيەت, ءدىن, وركەنيەتتەر ديالوگىن دامىتۋداعى ماڭىزى تۋرالى تولىق اقپارات الۋدىڭ بىرەگەي مۇمكىندىگى», دەپ اتاپ ءوتتى ول.
ن.نازارباەۆ ورتالىعى ەلىمىزدىڭ جەتەكشى وقۋ ورىندارى – ءال-فارابي اتىنداعى قازۇۋ, نازارباەۆ ۋنيۆەرسيتەت, م.س.نارىكباەۆ اتىنداعى KAZGUU, «نۇر-مۇباراك» ەگيپەت يسلام مادەنيەتى ۋنيۆەرسيتەتى بازاسىندا سەزدىڭ دامۋ تۇجىرىمداماسىن, ونىڭ نەگىزگى جولداۋلارىن ءتۇسىندىرۋ بويىنشا دارىستەر توپتاماسىن جوسپارلاعانىن اتاپ وتكەن ءجون. ايتا كەتسەك, بۇل قۇجات سەزدى 2033 جىلعا دەيىنگى ودان ءارى دامىتۋدىڭ جالپى كوزقاراسىن, ميسسياسىن, ماقساتتارى مەن باعىتتارىن ايقىندايدى. ونى 2023 جىلعى قازاندا استانادا وتكەن ءححى سەزد حاتشىلىعىنا قاتىسۋشىلار قابىلدادى.
سەزدىڭ الداعى ونجىلدىقتاعى دامۋىنىڭ جاڭا پاراديگماسىنىڭ بولىگى رەتىندە فورۋم ميسسياسى – الەمدىك جانە ءداستۇرلى دىندەر قاۋىمداستىعى اراسىنداعى ءوزارا تۇسىنىستىك پەن قۇرمەتتى ودان ءارى نىعايتۋ, سونداي-اق قاۋىپسىز جانە گۇلدەنگەن بولاشاق ءۇشىن رۋحاني ديپلوماتيانىڭ الەۋەتىن ىسكە اسىرۋ. سەزد حالىقارالىق ۇيىمداردىڭ, ۇكىمەتتەردىڭ, ۇكىمەتتىك ەمەس ۇيىمداردىڭ جانە عىلىمي قۇرىلىمداردىڭ وكىلدەرى ءۇشىن اشىق ءدىني كوشباسشىلار اراسىنداعى ديالوگ پەن ىنتىماقتاستىقتىڭ جاھاندىق الاڭى رەتىندە داميدى.
