فوتو: nn-airport.kz
استانا قالاسى اۋەجايىنىڭ اۋەايلاعىندا 19 م/س جىلدامدىقپەن جانە ەكپىنى 23 م/س دەيىن قاتتى جەل سوعىپ تۇر. مۇنداي اۋا رايى ۇشاقتاردىڭ ۇشۋى مەن قونۋى كەزىندە قيىندىقتار تۋعىزۋى مۇمكىن, سوندىقتان اۋەكومپانيالار جولاۋشىلار مەن ەكيپاجداردىڭ قاۋىپسىزدىگىن قامتاماسىز ەتۋ ماقساتىندا رەيستەردى توقتاتۋ نەمەسە كەشىكتىرۋ تۋرالى شەشىمدەر قابىلدايدى.
«بۇگىن ەلوردا اۋەجايىندا 72 رەيس جوسپارلانعان ەدى. ونىڭ ىشىندە ۇشۋعا 7 رەيس, ۇشىپ كەلۋگە 8 رەيس توقتاتىلدى. سونىمەن قاتار ۇشۋعا 6 رەيس, ال ۇشىپ كەلۋگە 12 رەيس كەشىكتىرىلدى. بۇل كىدىرىستەر مەن توقتاتۋلار قولايسىز مەتەوجاعدايلارمەن جانە ۇشۋ قاۋىپسىزدىگىن قامتاماسىز ەتۋ بويىنشا قابىلدانىپ جاتقان شارالارمەن بايلانىستى. جولاۋشىلار ءوز رەيستەرى تۋرالى اقپاراتتى الۋ ءۇشىن ءتيىستى اۋەكومپانيالارمەن بايلانىسۋى كەرەك. اۋەايلاقتى قالىڭ قاردان تازالاۋ جۇمىستارى ۇزدىكسىز ءجۇرىپ جاتىر. قازىر بۇل جۇمىستارعا 23 ارنايى تەحنيكا جۇمىلدىرىلعان. رەيستەر تۋرالى اقپاراتتى استانا حالىقارالىق اۋەجايىنىڭ رەسمي سايتىنان nn-airport.kz قاراۋعا بولادى. سونداي-اق ەلوردا اۋەجايىندا تاۋلىك بويى بايلانىس ورتالىعى جۇمىس ىستەيدى: 8(7172)702-999», دەلىنگەن استانا اۋەجايى تاراتقان حابارلامادا.
