بالالارعا قۋانىش سىيلاپ

“قاراشىعاناق پەتروليۋم وپەرەيتينگ ب.ۆ.” كومپانياسى دە­مەۋشىلىك قىزمەتىن تۇراقتى نە­گ­ىز­دە جۇرگىزىپ كەلەدى. وسىنداي يگىلىكتى شاراعا ءار جاز ماۋسى­مىن­­دا قپو جولدامالارعا اقى ءتو­لەۋدەن ايانبايدى. ونىڭ نە­گىزىندە كەن ورنىنىڭ ءون بويىندا ورنا­لاسقان ءبورلى اۋدانىنىڭ اۋىلدا­رىنداعى بالالار دەمالىپ, دەن­ساۋ­لىقتارىن تۇزەيدى. جاز جاي­ناتىپ, كۇن كۇلدىرگەن شاقتا ولار­عا بارلىق جاعداي ورالداعى “تا­لاپ” گيمنازياسىنىڭ لاگە­رىندە جا­سالعان. اتاپ ايتقاندا, گيمنا­زيا­­مەن كاسىپشىلىكتىڭ ين­ۆەس­تور­لا­رى بىرنەشە جىلدان بەرى بورلىلىك جەتكىنشەكتەردىڭ دەن­ساۋ­لىعىن ساۋ­ىقتىرۋعا شارت جاساۋ­دى ءداس­تۇر­گە اينالدىرىپتى. لا­گەر­­دە با­لالاردىڭ قىزىقتى دە­مالۋى باستى نازاردا. ويتكەنى ولاردىڭ كوڭىل-كۇيىنىڭ كوتەرىڭكى بولۋى دەندە­رىنىڭ ساۋ بولۋىنا سەپتىگىن تيگى­زەتىنى انىق. قۋانىش سىيلاۋدىڭ ناقتى كورىنىسى مىنە, وسى. “تالاپتا” ءبارى دە كوڭىلدى. كۇن تارتىبىندە ويىندار, سەرۋەن قۇرۋ ءتارىزدى شارالار وتكىزىلەدى. مۇنداي يگى ءىستىڭ باسى-قاسىندا ارينە بىلىكتى پەداگوگتار جۇرەدى. لاگەردە كادرلار دايارلاۋعا ءجىتى نازار اۋدارىلعان. بالا كوڭىلىن تا­بۋعا ەشتەڭەنى دە سالىستىرۋعا كەلمەيدى. سەبەبى, جەتكىنشەكتىڭ جاقسى قالىپتاسۋىنا كوڭىل ءبو­لۋدەن ارتىق نارسە جوق. لاگەردىڭ تاربيەشىلەرى بۇل ورايدا ءار جەت­كىن­­­شەكتىڭ ورەسىنەن شىعۋعا تال­پى­­نادى. لاگەر ديرەكتورى تاتيا­نا لاريونچەۆانىڭ ايتۋىنا قا­راعان­دا, بالالار كۇن سايىن ەكس­كۋر­­­سياعا شىعادى. جايىق وزەنىن­دە تەپلوحودتا سەيىل قۇرادى. سون­داي-اق ولار قالا تەاترلارىن تا­ما­شالاپ, كينو كورەدى, سپورت الاڭ­­دارىندا جارىس جولىنا شى­عىپ, باسسەيندەردە سۋعا تۇسەدى. قپو-نىڭ حالىقپەن جۇمىس جونىندەگى مامانى اقمارال ءادى­لوۆانىڭ ايتۋىنشا, لاگەر ورال­داعى ەڭ تاڭداۋلى وقۋ ورىندارى ءبىرىنىڭ بازاسىندا قۇرىلعان. مۇندا بەينەلەۋ ونەرىنىڭ مەكتەبى, كوپتەگەن ۇيىرمەلەر ىستەيدى. ياعني, ءار جەتكىنشەك ءوزى قالاعان سۇيىكتى ىسىمەن اينالىسادى. وسى جازدا قا­راشىعاناق ينۆەستورلارىنىڭ قار­جىسىمەن 140 بالا دەمالادى. كە­زىندە بۇل لاگەردە بولعان با­لالار­دىڭ ايتۋىنشا, كەزەكتى اۋى­سىم ءبىر ساتتە وتە شىعادى ەكەن. ونىڭ دا ءجونى بار. مۇندا ءبارى ويداعىداي ۇيىمداستى­رىلعان. سوندىقتان دا بولار “تالاپتا” وتكىزىلگەن كۇندەر بالالاردىڭ جا­دىندا ۇزاق ۋاقىت بويى ساقتا­لادى. ءبىر سوزبەن ايت­قاندا, جازعى دەمالىس كۇندەرىنىڭ اسەرى ەستەن كەتپەيدى. مارات اققۇل, باتىس قازاقستان وبلىسى.