ۇكىمەتتىڭ تاعى ءبىر مۇشەسى قىزمەتىن ساقتاپ قالدى

«مەملەكەت باسشىسىنىڭ جارلىعىمەن باعدات باتىربەك ۇلى مۋسين قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى لاۋازىمىنا تاعايىندالدى», دەلىنگەن اقوردا حابارلاماسىندا.

باعدات مۋسين 1983 جىلى پاۆلودار وبلىسىندا دۇنيەگە كەلگەن.

2004 جىلى س.دەميرەل اتىنداعى ۋنيۆەرسيتەتتى «ەسەپتەۋ تەحنيكاسىن باعدارلامالىق جانە اپپاراتتىق قامتاماسىز ەتۋ» ماماندىعى بويىنشا, 2006 جىلى قازاق قۇقىقتانۋ جانە حالىقارالىق قاتىناستار ينستيتۋتىن «قۇقىقتانۋشى» ماماندىعى بويىنشا تامامداعان.

2004 جىلعا دەيىن كوممەرتسيالىق قۇرىلىمداردا جۇمىس ىستەگەن.

2004-2007 جىلدارى — «ۇلتتىق اقپاراتتىق تەحنولوگيالار» اكتسيونەرلىك قوعامىندا ينجەنەر-باعدارلاماشى, كۋالاندىرۋ ورتالىعى ءبولىمىنىڭ باسشىسى, مەملەكەتتىك ورگانداردا اT بولىمشەلەر قۇرۋ دەپارتامەنتى ديرەكتورىنىڭ ورىنباسارى.

2004-2007 جىلدارى — «AMANAT-insurance» بك» اكتسيونەرلىك قوعامىندا اقپاراتتىق تەحنولوگيالار جونىندەگى كەڭەسشى-كونسۋلتانت.

2007-2010 جىلدارى — ادىلەت ءمينيسترىنىڭ اقپاراتتىق تەحنولوگيالار جونىندەگى كەڭەسشىسى جانە اقپاراتتىق تەحنولوگيالار باسقارماسىنىڭ باسشىسى.

2010-2011 جىلدارى — بايلانىس جانە اقپارات مينيسترلىگىندە اقپاراتتىق تەحنولوگيالار سالاسىنداعى مەملەكەتتىك ساياسات دەپارتامەنتى ديرەكتورىنىڭ ورىنباسارى. 

2011-2014 جىلدارى — مەملەكەتتىك قىزمەتتەردى اۆتوماتتاندىرۋدى باقىلاۋ جانە حالىققا قىزمەت كورسەتۋ ورتالىقتارىنىڭ قىزمەتىن ۇيلەستىرۋ كوميتەتى توراعاسىنىڭ ورىنباسارى, توراعاسى.

ءار جىلدارى «ۇلتتىق اقپاراتتىق تەحنولوگيالار» اق, «قازپوشتا» اق, قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىن باسقاردى.

2018-2019 جىلدارى — Bi Group قۇرىلىس حولدينگى باسقارما توراعاسىنىڭ ورىنباسارى جانە كورپوراتيۆتىك-ۆەنچۋرلىك قوردىڭ باسشىسى.

2019-2020 جىلدارى — ات-كاسىپكەر, ReKassa, Tastamat جانە باسقا دا اT-ستارتاپتاردىڭ تەڭ نەگىزىن قالاۋشى.

2020 جىلعى ناۋرىز-شىلدە ارالىعىندا — قازاقستان رەسپۋبليكاسى پرەزيدەنتىنىڭ تسيفرلاندىرۋ جانە يننوۆاتسيالىق تەحنولوگيالار جونىندەگى كەڭەسشىسى. 

2020 جىلعى شىلدە-قىركۇيەك ارالىعىندا — قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ ءبىرىنشى ورىنباسارى.

2020 جىلعى 2 قىركۇيەكتە قر پرەزيدەنتىنىڭ جارلىعىمەن قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى بولىپ تاعايىندالدى.

2021 جىلى 18 قاڭتاردا قر پرەزيدەنتىنىڭ جارلىعىمەن تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى بولىپ قايتا تاعايىندالدى.

قر پرەزيدەنتىنىڭ 2022 جىلعى 11 قاڭتارداعى جارلىعىمەن تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى لاۋازىمىنا قايتا تاعايىندالدى.

2023 جىلعى 4 ساۋىردە قر پرەزيدەنتىنىڭ جارلىعىمەن قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى بولىپ قايتا تاعايىندالدى.

2024 جىلعى 6 اقپاندا  مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى بولىپ تاعايىندالدى.