فوتو: Zakon.kz
«مەملەكەت باسشىسى ەلىمىزدىڭ ەكونوميكالىق دامۋى باعىتىندا ناقتى تاپسىرمالار بەردى, ولار ورىندالادى. جاڭا ەكونوميكالىق سەرپىن بەرىپ, شىن مانىندە جەدەل ءارى شەشۋشى شارالار قابىلداۋ قاجەت. ءبىز ونەركاسىپ, مۇناي وڭدەۋ سالالارىنا باسا نازار اۋدارىپ, وتاندىق ءوندىرىستى ىنتالاندىرۋ شارالارىن قابىلداۋىمىز قاجەت», دەدى ولجاس بەكتەنوۆ.
پرەمەر-ءمينيستردىڭ ايتۋىنشا, ۇكىمەتتىڭ الدىندا تۇرعان مىندەتتەردىڭ ءبىرى - ەلىمىزدە وندىرىلەتىن ءونىمنىڭ ۇلەسىن ارتتىرۋ.
ء«بىز وفتەيك كەلىسىمشارتتار جۇيەسىن تولىقتاي ىسكە قوسامىز, ءبىزدىڭ باستى مىندەتىمىز – وتاندىق بيزنەستى قولداۋ. اۋىل شارۋاشىلىعىنىڭ الەۋەتىن ءتيىمدى پايدالانۋ ماڭىزدى. سونداي-اق سۋ رەسۋرستارى, ەنەرگيا ۇنەمدەۋ, كولىك-لوگيستيكالىق جەلى بويىنشا بەلسەندى جۇمىس ىستەيتىن بولامىز. ءبىز جاساندى ينتەللەكت پەن جاڭا تەحنولوگيالاردى پايدالانۋ مۇمكىندىكتەرىن كەڭەيتەمىز. زاڭنىڭ ۇستەمدىگىن قامتاماسىز ەتۋ شارالارى مەن حالىقتى تولعاندىراتىن باسقا دا ماسەلەلەر ۇكىمەتتىڭ نازارىندا بولادى. ۇكىمەت ەلىمىزدىڭ يگىلىگى ءۇشىن جۇمىس ىستەيدى», دەدى ولجاس بەكتەنوۆ.
ەسكە سالايىق, بۇگىن, 6 اقپاندا ولجاس بەكتەنوۆ قازاقستاننىڭ پرەمەر-ءمينيسترى لاۋازىمىنا تاعايىندالدى. بەكتەنوۆتىڭ كانديداتۋراسىن 69 ماجىلىسمەن قولداپ, جەتەۋى قالىس قالدى.
