كەشەننىڭ اشىلۋ سالتاناتىنا وبلىس اكىمىنىڭ ورىنباسارى ەرلان قۇسايىن ارنايى قاتىسىپ, 82 جاستاعى سپورت ارداگەرى ۆيكتور ۋركۋنوۆ جانە دزيۋدودان حالىقارالىق جارىستاردىڭ جۇلدەگەرى ەرعانات مولداعۇلوۆپەن بىرگە جاڭا نىساننىڭ لەنتاسىن قيدى.
جاڭا كەشەننىڭ پايدالانۋعا بەرىلۋى ەلىمىزدە سالاۋاتتى ءومىر سالتىن قالىپتاستىرۋعا ايرىقشا نازار اۋدارىلعانىن, بۇقارالىق سپورتپەن شۇعىلدانۋعا بەتبۇرىس بارىن اڭعارتادى. جاسىراتىنى جوق, بۇعان دەيىن بوتاقارالىقتارعا سپورتپەن اينالىساتىن جەر جەتىسپەي كەلدى. سونداعى ەكى جالپى ءبىلىم بەرەتىن جانە بالالار مەن جاسوسپىرىمدەردىڭ سپورت مەكتەپتەرىنىڭ زالدارى ۇنەمى لىق تولى بولاتىن. جاستاردىڭ, جالپى كەنت تۇرعىندارىنىڭ سپورتقا دەگەن ىنتاسى زور. مىنە, ەندى وسى جاڭا كەشەننىڭ اشىلۋىمەن بۇل ىڭعايسىزدىقتار جويىلماق.
6 300-دەن اسا تۇرعىنى بار كەنتتىڭ جاس-كارىسى جاڭا كەشەن ىشىندە سان الۋان سپورت تۇرىمەن اينالىسادى.
رەسپۋبليكالىق, وبلىستىق جانە جەرگىلىكتى بيۋدجەتتەردىڭ قارجىسىنا سالىنىپ, بوي كوتەرگەن جاڭا عيماراتتا كۇرەس جانە بوكس زالى, ۇستەل تەننيسى, تاعى دا باسقا كابينەتتەر بار. جاقىن ارادا مۇندا ۆولەيبول, باسكەتبول, شاعىن فۋتبول, ۇستەل تەننيسى, شاحمات سەكتسيالارى اشىلىپ, ۇلتتىق سپورت تۇرلەرىن دامىتۋ دا قولعا الىنادى. بولاشاقتا اۋداننىڭ بارلىق تۇرعىنىن قامتۋ ءۇشىن اتالعان دەنەشىنىقتىرۋ-ساۋىقتىرۋ كەشەنىنىڭ بازاسىندا سپورت كلۋبىن اشۋ دا جوسپاردا تۇر. كەشەنگە كەلۋشىلەردى ازىرگە 7 جاتتىقتىرۋشى باپتاپ, سپورتقا باۋلىسا, كەلەشەكتە شتات سانى مەن سەكتسيالار دا كوبەيتىلەدى.
سالتاناتتى ءىس-شارا سوڭىنان وبلىس اكىمىنىڭ ورىنباسارى ەرلان بەيسەمباي ۇلى مەن بۇقار جىراۋ اۋدانىنىڭ اكىمى ابىلاي سۇلتانعاليەۆ كەشەن ءىشىن ارالاپ كوردى. جەرگىلىكتى جاس سپورتشىلار جينالعان جۇرت الدىندا بوزكىلەمدە جاتتىعۋ تاسىلدەرى مەن شەبەرلىكتەرىن كورسەتتى.
قاراعاندى وبلىسى,
بۇقار جىراۋ اۋدانى
