اۆتوبۋستاردى وتىنمەن قامتاماسىز ەتۋ ءۇشىن تەحنوپارك اۋماعىندا ورنالاسقان العاشقى مەتان گاز ستانساسى جۇمىس ىستەيدى. سونىمەن قاتار پاركتە مارشرۋتتاردى باقىلاۋعا جانە اۆتوبۋستاردىڭ ىشكى بەينەجازبالارىن كورۋگە مۇمكىندىك بەرەتىن ديسپەتچەرلىك بولمە بار. اۆتوبۋستاردى ساتىپ الۋ جانە مەتان قۇيۋ ستانساسىن ىسكە قوسۋ وبلىستىق جانە قالالىق اكىمدىكتەردىڭ قولداۋىمەن «كاسپي» اكك» ينۆەستيتسيالىق جوباسى شەڭبەرىندە ىسكە اسىرىلدى.
جوبانىڭ ماقساتى – ماڭعىستاۋ وبلىسى جولاۋشىلار تاسىمالىن بارىنشا قاۋىپسىز, ىڭعايلى, ساپالى ەتەتىن قوعامدىق كولىكپەن قامتاماسىز ەتۋ. سونداي-اق نارىققا جاڭا زاماناۋي اۆتوبۋستار شىعارۋ.
– مەملەكەت باسشىسى قاسىم-جومارت توقاەۆتىڭ ماڭعىستاۋ وبلىسىن الەۋمەتتىك-ەكونوميكالىق دامىتۋ بويىنشا بەرگەن ستراتەگيالىق تاپسىرمالارىن ورىنداۋ شەڭبەرىندە وبلىس پەن اۋدان ورتالىقتارىن بايلانىستىراتىن اۆتوبۋس تاسىمالىن ۇيىمداستىرۋ جۇزەگە اسىرىلىپ جاتىر. بۇگىن وبلىسىمىز ءۇشىن تاريحي كۇن. سەبەبى شالعاي اۋداندارىمىزدىڭ تۇرعىندارى ەندى وبلىس ورتالىعىنا جاڭا, زاماناۋي, ىڭعايلى, ۇلكەن كلاستاعى تۋريستىك اۆتوبۋستارمەن قاتىنايتىن بولادى. بۇل ەكولوگيالىق جانە ەكونوميكالىق تۇرعىدا ءتيىمدى بولماق. ايتا كەتۋ كەرەك, اۆتوبۋس پاركىن جاڭارتۋ ۇدەرىسى كەزەڭ-كەزەڭىمەن جۇزەگە اسىرىلىپ كەلەدى. الدىمەن 120 اۆتوبۋس ساتىپ الىندى, ولاردىڭ 70-ءى قالاىشىلىك كولىك قىزمەتىن كورسەتۋگە ارنالسا, قالعان 50-ءى وبلىس ورتالىعى مەن مۇنايلى اۋدانى اراسىندا ىڭعايلى تاسىمالداۋدى قامتاماسىز ەتەدى. بۇدان باسقا 2024 جىلى قوسىمشا 100 زاماناۋي اۆتوبۋس ساتىپ الۋ جوسپارلانعان. بۇل ءوڭىردىڭ كولىك ينفراقۇرىلىمىن جەتىلدىرۋگە جانە كەڭەيتۋگە ىقپال جاسايدى, – دەدى كولىكتەر تانىستىرىلىمىندا ماڭعىستاۋ وبلىسىنىڭ اكىمى نۇرلان نوعاەۆ.
جول ءجۇرۋ قۇنى دا قولجەتىمدى. شامامەن 300 تەڭگە مەن 2 000 تەڭگە ارالىعىندا بولادى. مىسالى, وبلىس ورتالىعى اقتاۋ قالاسىنان 70 شاقىرىم جەردە ورنالاسقان قۇرىق اۋىلىنا دەيىنگى جول ءجۇرۋ قۇنى ءبىر ادامعا – 300 تەڭگەنى, ال تاكسي قۇنى ءبىر ادامعا ورتاشا ەسەپپەن 1 300 تەڭگەنى قۇرايدى.
ماڭعىستاۋ وبلىسى
