فوتو: اشىق دەرەككوز
سونىمەن قاتار دەپارتامەنتپەن مەملەكەتتىك قىزمەت قاعيداتتارىن جۇزەگە اسىرۋ اياسىندا وسىنداي ارىز-شاعىمداردى قاراۋمەن شەكتەلىپ عانا قويماي, مونيتورينگ, تالداۋ جۇمىستارىن جۇرگىزۋ ارقىلى مەملەكەتتىك قىزمەتشىلەردىڭ دە قۇقىقتارىن قورعاۋ بويىنشا ءتيىستى جۇمىستار اتقارىلعان.
وسى تۇستا, 2023 جىل بويىنشا تەكسەرۋ ءىس-شارالارى مەن دەپارتامەنت باستاماسىمەن اتقارىلعان ءتيىستى جۇمىستار ناتيجەسىندە 373 قاتارداعى مەملەكەتتىك قىزمەتشىلەردىڭ قۇقىقتارى قورعالىپ, ونىڭ ىشىندە 273 قىزمەتكەردىڭ الەۋمەتتىك-ەڭبەك قۇقىقتارى قالپىنا كەلتىرىلگەن.
اتاپ ايتقاندا, قازاقستان رەسپۋبليكاسىنىڭ زاڭناماسىمەن كەپىلدىك بەرىلگەن تولەمدەرى, ياعني ءتيىستى مەملەكەتتىك قىزمەتشىلەردىڭ قىزمەتتەرىنە باعالاۋ جۇرگىزىلىپ, ناتيجەسىندە 2,5 ميلليون تەڭگە بونۋستار بەرىلگەن, 400 000 تەڭگەدەن اسا ءىسساپار شىعىندارىمەن 300 000 تەڭگەگە جۋىق ەڭبەكاقى, جاردەماقى تولەمدەرىنىڭ ءوسىمپۇلدارى تولەنسە, 2,6 ميلليوننان استام تەڭگە مولشەرىندە ءتورت ورتاشا ايلىق جالاقىسى مولشەرىندەگى جۇمىستان شىعۋ جاردەماقىلارى وتەلگەن.
وسى سەكىلدى, 1,4 ميلليوننان استام تەڭگە مولشەرىندە نەگىزسىز ۇستەمە جۇمىسقا تارتىلعاندارى ءۇشىن قىزمەتكەرلەرگە زاڭنامادا كوزدەلگەن تولەماقىلار وتەلىپ بەرىلگەن, جۇكتەمە جۇمىس جاساپ وتىرعان قىزمەتكەرگە اقىسىنىڭ 20%-ى كولەمىندە ۇستەماقى بەلگىلەنىپ, ەڭبەكاقىسىنىڭ ايىرماسى جۇرگىزىلگەن.
سونداي-اق مەملەكەتتىك ورگاندارمەن 8 قىزمەتشىگە زاڭناما تالاپتارىن بۇزا وتىرىپ قولدانىلعان تارتىپتىك جازالاردىڭ كۇشتەرى جويىلعان.
بۇعان قوسا, دەپارتامەنتپەن تۇراقتى تۇردە جۇرگىزىلەتىن مەملەكەتتىك قىزمەتشىلەردى زاڭسىز ارتىق جۇمىسقا تارتۋ دەرەكتەرىنىڭ الدىن-الۋ جانە بولدىرماۋ ماقساتىنداعى شارالار ناتيجەسىندە 75 قىزمەتكەرگە اقى تولەنەتىن دەمالىس كۇندەرى/ساعاتتارى بەرىلىپ, بۇزىلعان قۇقىقتارى قالپىنا كەلتىرىلگەن.
