اتالعان مۋزەي ديرەكتورىنىڭ ورىنباسارى ەلميرا الشىموۆانىڭ ايتۋىنشا, بۇل ەڭبەك مۇراجاي قورىنا 1960-جىلدارى تاپسىرىلعان. كىم وتكىزگەنى بەلگىسىز. سۋرەتتىڭ استىنا ء«ا.قاستەەۆ (1904-1973) قازاق كسر-ءنىڭ حالىق سۋرەتشىسى. ءابجان تۇرمانوۆ. امانگەلدىنىڭ مايدانداس سەرىگى. 1950 ق.,ك., 20ح29», دەپ جازىلعان.
1936 جىلى 1916 جىلعى ۇلت-ازاتتىق كوتەرىلىسكە 20 جىل تولدى. وسى داتاعا بايلانىستى ا.يمانوۆتىڭ پورترەتىن سالۋ تۋرالى رەسپۋبليكا باسشىلىعى شەشىم شىعارىپ, ونى ءابىلحان قاستەەۆكە جۇكتەدى. ءسويتىپ, سۋرەتشى 1939 جىلى باتىردىڭ بەينەسىن سالۋعا كىرىستى. 1940 جىلدىڭ جازىندا ول تورعايعا بارىپ, باس سارداردىڭ ساربازدارىمەن, تۋىستارىمەن كەزدەسىپ, ارقايسىسىمەن جەكە-جەكە اڭگىمەلەسەدى. باتىرعا ۇقسايدى-اۋ دەگەن 30 ادامنىڭ پورترەتىن سالىپ, 40-قا جۋىق ەتيۋد, دەتال جاسايدى. بىراق ءبىرىنشى سالعان سۋرەتىنە اۆتوردىڭ كوڭىلى تولمايدى. 1941 جىلى ساردار بەينەسىن ەكىنشى رەت بەدەرلەيدى. بۇعان دا قاناعاتتانبايدى. 1943 جىلى سالعان ءۇشىنشى سۋرەتى باتىر بەينەسىن ءدال كەلتىرگەندەي بولادى. وسى جىلى الماتىداعى اباي اتىنداعى وپەرا جانە بالەت تەاترىندا سۋرەتشىلەردىڭ كورمەسى ءوتىپ, وعان ءا.قاستەەۆ امانگەلدىنىڭ سوڭعى سالعان سۋرەتىن اكەلەدى. كورمەنى كورۋگە كەلگەن قوعام قايراتكەرى ءالىبي جانگەلدين دوسىنىڭ سۋرەتىنە قاراپ: «مىنا بەينەگە قاراپ, دوسىمدى ەسكە الىپ تۇرمىن. سۋرەتتەگى بەينە امانگەلدىنىڭ وزىنە ۇقسايدى. كەلبەتى, مىنەز ءبىتىمى, تيپتىك ەرەكشەلىگى – كادىمگى ومىردەگى امانگەلدىنىڭ وزىندەي», دەپ ءتانتى بولىپتى.
قىسقاسى, ايگىلى شەبەر 40- جىلدارى تورعايعا ا. يمانوۆتىڭ سۋرەتىن سالۋعا بارعاندا, سوندا سارداردىڭ سەرىگى ءا. تۇرمانوۆپەن كەزدەسىپ, سوندا ونىڭ پورترەتىن سالعان-اۋ دەپ توپشىلايمىز.
ەندى سۋرەت كەيىپكەرىنىڭ ءومىر جولى تۋرالى ايتا كەتەيىك. 1948 جىلى مال شارۋاشىلىعىن وركەندەتۋگە قوسقان ۇلەستەرى ءۇشىن قوستاناي وبلىسىنىڭ سول كەزدەگى تورعاي جانە امانگەلدى اۋدانىنان 19 ادام سوتسياليستىك ەڭبەك ەرى اتاعىن العان. سولاردىڭ ءبىرى – جانگەلدين اۋدانىنداعى «قىزىلقوعا» كولحوزىنىڭ اعا شوپانى ءابجان تۇرمانوۆ. ول 1947 جىلى بەكىتىلگەن 606 باس انالىقتان 730 قوزى الىپ, مەملەكەتتىك جوعارى ماراپاتقا يە بولعان. سول جىلدارى جارىق كورگەن وبلىستىق «بولشەۆيكتىك جول» (قازىرگى «قوستاناي تاڭى») گازەتىندە ء«ابجان قازىردە بۇرىنعىدان دا زور تابىستارعا جەتۋ ءۇشىن كۇرەسىپ ءجۇر. ول قازىر ءوز قاراۋىنداعى قويدى 2400-گە جەتكىزدى. ءابجان ۇستىمىزدەگى جىلى ءاربىر 100 ساۋلىقتان 115 قوزى الۋعا مىندەتتەنگەن ەدى. بۇل مىندەتتەمەسىن ابىرويمەن ورىنداپ شىعىپ وتىر. بۇل فەرمادا قويدان بيىل ءجۇن دە جىلداعىدان ارتىق قىرقىلدى. ەكىنشىدەن, فەرمانىڭ قىسقا دايىندىعى دا ايتارلىقتاي. ءابجان بۇل تابىستارعا قاناعاتتانىپ وتىرعان جوق, مال باسىن ءالى دە وسىرە بەرمەك», دەپ جازىلعان ماقالا باسىلعان. سارداردىڭ سەرىگى بولعان وزات شوپان 1967 جىلى دۇنيەدەن وزعان. كەيىن تۋعان اۋىلىنىڭ ورتالىعىنا ءمۇسىنى ورناتىلعان.
