سىبايلاس جەمقورلىقپەن كۇرەس كۇشەيەدى

كەشە اۋىل شارۋاشىلىعى ءمينيسترى اقىلبەك كۇرىشباەۆتىڭ توراعالىعىمەن وسى مينيسترلىكتىڭ جانە ونىڭ ايماقتىق ورگاندارىنىڭ سىبايلاس جەمقورلىقپەن كۇرەس جونىندەگى جۇمىستارى قارالدى. وعان ونلاين جەلىسى ارقىلى 1 مىڭعا تارتا ادام قاتىناستى. ماجىلىستە بايانداما جاساعان مينيسترلىكتىڭ جاۋاپتى حاتشىسى ەۆگەني اماننىڭ ايتۋىنشا, بۇگىنگى تاڭدا سىبايلاس جەمقور­لىقپەن كۇرەس مينيسترلىكتىڭ ال­دىن­داعى ەڭ ماڭىزدى مىندەتتەردىڭ ءبىرى بولىپ وتىر. وتكەن جىلى وسى ماسەلە بوي­ىنشا مينيسترلىك قۇ­رىلىمدارىن­دا­عى 62 قىزمەتكەرگە شارا قولدانى­لىپ, ونىڭ 31-ءى جۇ­مىس­تان بوساتى­لىپ, 12 ادام قاماۋ­عا الىندى. بي­ىل­عى جىلدىڭ 5 ايىندا 12 قىز­مەت­كەرگە شارا قول­دانىلىپ, 5 ادام جۇ­مىستان بو­سا­تىلدى, 7 ادام قاماۋعا الىندى. وسى رەتتە سىبايلاس جەم­قور­لىق­تىڭ كورىنىسى كوبىنەسە اوك مەم­لەكەتتىك ينسپەكتسيالاۋ كومي­تە­تىن­دە تىركەلگەنىن ايتا كەتكەن ءجون. اتالمىش ناتيجەلەرگە قول جەتكىزۋ ءۇشىن اۋىل شارۋاشىلىعى مينيسترلىگى ءىس-شا­رالار جوسپارىن ازىرلەپ, ونى ورىن­داۋ ۇستىندە. ماجىلىسكە قاتىسقان “نۇر وتان” حدپ سىبايلاس جەمقور­لىق­پەن كۇرەس جونىندەگى رەسپۋب­ليكالىق كەڭەستىڭ توراعاسى ورال­باي ابدىكارىموۆ اتالعان ماسەلە­دەگى مينيسترلىك جۇ­مىسىنا باعا بەرە كەلە, ەلىمىزدەگى ور­تالىق مەم­لەكەتتىك ورگاندار اراسىن­دا جەم­قورلىقپەن كۇرەس جونىندە ونلاين رەجىمىندەگى مۇنداي اۋقىمدى باسقوسۋدى اۋىل شارۋاشىلىعى مينيسترلىگىنىڭ ءبىرىنشى بولىپ ۇيىمداستىرعاندىعىن, دەمەك ءبۇ­گىن­گى قارالىپ وتىرعان ماسەلەدەن مي­نيستر­لىكتىڭ كوپتەگەن قىزمەت­كەرلەرى ساباق الا الاتىندىعىن, شارانىڭ پايداسى دا وسى ەكەندىگىن اتاپ كورسەتتى. سۇڭعات ءالىپباي.