ءادىل قوعامداعى زاڭ ۇستەمدىگى

«بايسات» مەملەكەتكە قايتارىلدى

الماتى قالاسى پروكۋراتۋراسىنىڭ مالىمەتىنشە, تاياۋ كۇندەرى ماماندان­دىرىلعان اۋدانارالىق ەكونوميكالىق سوتىنىڭ «الماتى جىلۋ» حولدينگ كەشە­نىنىڭ (قازىرگى «بايسات» بازارى) مۇلكىمەن جاسالعان بارلىق مامىلەنى جارامسىز دەپ تانۋ تۋرالى شەشىمى زاڭدى كۇشىنە ەندى.

سوتتا قىزمەت بەيىنىن ساقتاۋ جانە يەلىكتەن شىعارۋعا تىيىم سالۋ تۋرالى شارتتىڭ تالاپتارىن ساقتاماۋ ماسەلەسى قارالعان. وسىعان وراي مىندەتتى ساتۋ شارتىنسىز 4 جىل بۇرىنعى م ۇلىكتى باعالاۋ تۋرالى وزەكتى ەمەس ەسەپتى قولدانۋدا كورسەتىلگەن كەشەندى زاڭسىز ساتۋ فاكتىلەرى راستالىپ وتىر.

جالپى اۋدانى 4 221,4 شارشى مەتر بولاتىن 3 نىساننان جانە 1,4 گا جەردەن تۇراتىن م ۇلىك باۋىرجان نۇرسۇلتانعا (قايرات ساتىبالدىنىڭ ۇلى) تيەسىلى «قازگەرستروي بىرلەسكەن كاسىپورنى» جانە «Astana Finansial Group» سەرىكتەستىكتەرىنىڭ ءوزارا ۇلەستەس كومپانيالارىنىڭ مەنشىگىندە بولدى. وتكەن جىلى سوتقا دەيىنگى تەرگەۋ اياسىندا قايرات ساتىبالدى «بايسات» بازارىنىڭ باسىم بولىگىن ءوز ەركىمەن قايتارىپ بەرگەن ەدى.

ءۇش جەر ۋچاسكەسىن زاڭسىز العان

سونىمەن قاتار اتىراۋ وبلىسىندا ماقات اۋدانىنىڭ جەر قاتىناس­تارى, ساۋلەت جانە قالا قۇرىلىسى ءبولىمى­نىڭ قىزمەتىندە جۇرگىزىلگەن تەكسەرىس كەزىندە مەملەكەتتىك قىزمەت كورسەتۋ, مىندەتتى كونكۋرستىق راسىمدەردى ەلەمەۋ جانە اۋدان اكىمدىگىنىڭ لاۋازىمدى تۇلعالارىنىڭ قۇزىرەتىنە كىرمەيتىن شەشىمدەر قابىلداۋعا قاتىستى ەلەۋلى بۇزۋشىلىقتار انىقتالدى.

ماقات اۋدانى پروكۋرورىنىڭ اكتىسى بويىنشا ساۋدا-ساتتىقتان تىس تابىس­تالعان جالپى قۇنى 144 ملن تەڭگە بولاتىن 61 گا 3 جەر ۋچاسكەسى مەملەكەتكە قايتارىلدى. سونداي-اق ساۋدا-ساتتىقتان تىس جەر ۋچاسكەلەرىن زاڭسىز العان تۇلعا­لار قاتارىندا جەر كوميسسياسىنىڭ مۇشەلەرى دە بار. سونىمەن قاتار اۋدان اكىمىنىڭ ورىنباسارلارىنىڭ ءبىرى بيۋدجەتكە ءتيىستى تولەمسىز كاسىپكەرگە جەر ۋچاسكەسىن تەگىن بەرگەن.

پروكۋرورلىق قاداعالاۋ اكتىسىن قاراۋ كەزىندە اۋدان اكىمىنىڭ ەكى ورىنباسارى تارتىپتىك جاۋاپكەرشىلىككە تارتىلسا, جەر قاتىناستارى, ساۋلەت جانە قالا قۇرىلىسى ءبولىمىنىڭ باسشىسى اكىمشىلىك قۇقىق بۇزۋشىلىق تۋرالى كودەكستىڭ 137-بابىنىڭ 1-بولىگى سايكەس اكىمشىلىك جاۋاپقا تارتىلدى.

جالپى بەرەشەك – 400 ملن تەڭگە

ماڭعىستاۋ وبلىسىنىڭ مامان­داندىرىلعان تابيعات قور­عاۋ پروكۋراتۋراسى جەرگىلىكتى ات­قارۋشى ورگانداردىڭ قىز­مەتىنە جەر قويناۋى جانە جەر قويناۋىن پايدالانۋ تۋرالى زاڭنامانىڭ ساقتالۋىنا تەكسەرۋ جۇرگىزدى.

تەكسەرۋ بارىسىندا جەكە­لەگەن جەر قويناۋىن پايدالانۋ­شىلاردىڭ (كەڭ تارالعان پايدالى قازبالاردى وندىرۋگە قۇقىعى بار) جۇمىسىندا وبلىستىڭ الەۋ­مەتتىك-ەكونوميكالىق دامۋىنا اۋدارىمدار, قىزمەتكەرلەردى وقىتۋ, تاراتۋ قورىن تولىقتىرۋ, قول قويۋ بونۋسىن تولەۋ سياقتى كەلىسىمشارتتىق جانە ليتسەن­زيالىق مىندەتتەمەلەردى ورىنداماۋ فاكتىلەرى انىقتالدى. بەرەشەكتىڭ جالپى سوماسى 400 ملن تەڭگەدەن استى.

مىسالى, جەر قويناۋىن پايدالانۋشى «د.ا.ب.» جۇيەلى تۇردە 4 جىل بويى (2019-2022 جىلدار ارالىعى) ماڭعىستاۋ وبلىسىنىڭ الەۋمەتتىك-ەكونوميكالىق دا­مۋى­نا جالپى سوماسى 9 ملن تەڭ­گەگە اۋدارىم جۇرگىزبەگەن. وسى­عان ۇقساس فاكتىلەر ءىس جۇزىندە بار­لىق جەر قويناۋىن پايدالانۋ­شىلاردا انىقتالدى.

قابىلدانعان پروكۋرورلىق قاداعالاۋ شارالارىمەن بۇگىنگى تاڭدا مەملەكەت كىرىسىنە 50 ملن تەڭگەدەن استام قاراجات ءوندىرى­لىپ, 7 جەر قويناۋىن پايدالانۋ­شىنىڭ كەڭ تارالعان پايدالى قازبالاردى وندىرۋگە ليتسەنزيالارى قايتارىپ الىندى. بەرەشەكتى ءوندىرىپ الۋ جۇمىستارى سوت تارتىبىمەن جالعاسىپ جاتىر.

وسىعان ۇقساس جاعداي جەتىسۋ وبلىسىندا دا تىركەلگەن. جىل باسى­نان بەرى وبلىس پروكۋرور­لارى كاداسترلىق قۇنى 95 ملن تەڭگەدەن اساتىن 30 جەر تەلىمىن مەملەكەتتىك جەر قو­رىنا قايتاردى. اقسۋ اۋدانىنداعى جالپى اۋدانى 7 مىڭ گەكتار يگەرىلمەگەن جانە ۇزاق ۋاقىت بويى ماقساتى بويىنشا پاي­دالانىلماعان ۋچاسكە­لەر «كۇرەڭبەل» جشس-عا تيەسىلى. سونىمەن قاتار قاراتال جانە كوكسۋ وزەندەرى ارنالارى كارەر­لەرىنىڭ سۋ قورعاۋ ايما­عىن­دا جەر قويناۋىن پايدا­لانۋ­شى­لارعا زاڭسىز بەرىلگەن 75 گەك­تار جەر انىقتالدى. ولار سۋ قور­عاۋ ايماعىندا تاۋ-كەن وندىرۋ­گە زاڭمەن تىكەلەي تىيىم سا­لىن­­عانىنا قاراماستان, قۇم-قيىر­شىق تاس قوسپاسىن زاڭسىز وندىرۋمەن اينالىسقان.

پروكۋراتۋرانىڭ قاداعالاۋ اكتىسى بويىنشا سوت قاۋلىسىمەن كىنالى تۇلعالار اكىمشىلىك جاۋاپ­كەرشىلىككە تارتىلدى. قازىرگى ۋاقىتتا سۋ قورىنىڭ جەرلەرىن مەملەكەت مەنشىگىنە قايتارۋ شارالارى قولعا الىندى.

مىندەتتى تولەمدەردەن جالتارعان

جەتىسۋ وبلىسىنىڭ پروكۋرورلارى كوممۋنالدىق قالدىقتاردى كادەگە جاراتۋ قىزمەتىن كورسەتە­تىن كاسىپورىننىڭ مىندەتتى تو­لەم­دەردى ورىنداۋدان جالتارۋ ءتاسى­لىن انىقتادى.

كاسىپورىن 2020-2023 جىلدار ارالىعىندا تالدىقورعان قالاسىنداعى تۇرمىستىق قاتتى قالدىقتار پوليگونىنا (بۇدان ءارى تقق) قىزمەت كورسەتكەنى انىقتالدى. وسى كەزەڭدەگى ەسەبىنە سايكەس, پوليگوندا 24 مىڭ توننا كولەمىندە تقق قابىلدانعان. كاسىپورىننىڭ ەسەپتەرىن تالداۋ جانە ءوزارا ەسەپ ايىرىسۋلارىن سالىستىرۋ بارىسىندا 41 كونتراگەنت انىقتالىپ, ولار پوليگونعا 138 مىڭ توننادان استام تقق تاسىمالداعانى بەلگىلى بولدى. بۇل كاسىپورىننىڭ رەسمي ەسەپتەرىندە كورسەتىلگەننەن 114 مىڭ تونناعا ارتىق.

قاداعالاۋ اكتىسىنە سايكەس كاسىپورىن اقبتك-ءنىڭ 328-با­بىنىڭ 1, 6-بولىگى بويىنشا قالدىقتاردى جيناقتاۋ جانە قورشاعان ورتاعا ەميسسيالار شىعارىندىلارىنىڭ ليميتتەرىن اسىرعانى ءۇشىن اكىمشىلىك جاۋاپ­كەرشىلىككە تارتىلىپ, وعان 2,3 ملرد تەڭگە مولشەرىندە ايىپپۇل سالىندى.

ينۆەستوردىڭ قۇقىعى قورعالدى

ءادىل قوعام قۇرۋدىڭ ءبىر ماقساتى – ەلگە قاراجات اكەلەتىن ينۆەستورلاردىڭ نازارىن وزىمىزگە اۋدارۋ. ال بۇل ءۇشىن ولاردىڭ قۇقى­عىن قورعاۋ جولىندا كەلەڭ­سىزدىكتەر ورىن الماۋعا ءتيىس. وسى ماقساتتا جۋىردا ەلوردالىق پروكۋرورلار ينۆەستورعا كومەك كورسەتتى.

«Rainbow Logistics 2» جشس ين­ۆەستيتسيا سوماسى 11 ملرد تەڭ­گەنى قۇرايتىن, 3 مىڭ ادامعا جۇمىس ورنىن اشۋدى كوزدەي­تىن «استانا قالاسىندا ازىق-ت ۇلىك جانە ازىق-ت ۇلىك ەمەس تاۋار­لاردىڭ امبەباپ قويماسى» جوباسىن ىسكە اسىرىپ جاتىر. بۇگىنگى تاڭدا ينۆەستيتسيا قاراجاتى تولىق يگەرىلدى. الايدا نىساندى پايدالانۋعا بەرۋ كەزىندە ينۆەستور ۋاكىلەتتى ورگاندار تاراپىنان جىلجىمايتىن م ۇلىكتى تىركەۋ بويىنشا سوزبالاڭعا سالۋ جاعدايىنا تاپ بولعان.

ەلوردالىق پروكۋراتۋرانىڭ ينۆەستورلاردىڭ قۇقىقتارىن قورعاۋ جۇمىسى اياسىندا ماسە­لەنى شەشۋ بويىنشا شارالار ازىرلەندى. «ازاماتتارعا ارنالعان ۇكىمەت» كەاق نىساننىڭ تەحني­كالىق پاسپورتىن تىركەدى, بۇل ينۆەستورعا لوگيستيكالىق ورتا­لىقتى تولىققاندى پايدالانۋعا مۇمكىندىك بەرەدى.

پرو­كۋرورلار وسىنداي پرو­بلەمالىق ماسەلەلەر تۋىنداعان كەزدە ينۆەستورلار 8-747-216-15-58 تەلەفونى ارقىلى بيزنەس پەن ينۆەستورلاردىڭ قۇقىقتارىن قورعاۋ جونىندەگى ءموبيلدى توپقا جۇگىنە الاتىنى تۋرالى ەسكە سالادى.