فوتو: Polisia.kz
«وقيعا ورنىنا جەدەل جەتكەن پوليتسيا قىزمەتكەرلەرى ماسكەۋ مەن پوتانين كوشەلەرىنىڭ قيىلىسىندا جولدىڭ قارسى جاعىنداعى KIA كولىگىن توقتاتقان. الايدا ساقشىلاردىڭ توقتاتۋ تالاپتارىن ەلەمەگەن جۇرگىزۋشى جول قوزعالىسىنا قاتىسۋشىلارعا قاۋىپ ءتوندىرىپ, كولىكتى تەك باعدارشامنىڭ قىزىل ءتۇسى جانعاندا توقتاتقان. وسى كەزدە پوليتسەي كولىككە جۇگىرىپ كەلىپ, ەسىكتى اشپاق بولعاندا جۇرگىزۋشى جىلدامدىقتى ارتتىرىپ, ينسپەكتوردى جول بويىمەن 20-30 مەتردەي سۇيرەپ اكەتكەن», دەلىنگەن ءىىم ءباسپاسوز قىزمەتىنىڭ اقپاراتىندا.
مەديتسينالىق ساراپتاما جۇرگىزۋشىنىڭ كولىكتى ورتاشا دارەجەدەگى ماس كۇيىندە باسقارعانىن انىقتادى. سونىمەن قاتار 23 جاستاعى جاس جىگىتتىڭ جۇرگىزۋشى كۋالىگى دە بولماعانى انىقتالعان. قۇقىق بۇزۋشىعا قاتىستى اكىمشىلىك كودەكستىڭ ەكى بابىمەن – ىشكى ىستەر ورگانى قىزمەتكەرىنىڭ زاڭدى تالابىن ورىنداماۋ جانە ماساڭ كۇيدە باسقارۋعا قۇقىعى جوق ادامنىڭ كولىك قۇرالىن باسقارۋى بويىنشا ءىس قوزعالدى.
سوت شەشىمىمەن جۇرگىزۋشى 20 تاۋلىككە قاماۋعا الىنىپ, كولىك كوممۋنالدىق تۇراققا قويىلدى.
