فوتو: 7-su.kz
«تاريفتەردى تۇزەتۋ ءار جىلى كۇتىلەدى, ويتكەنى تاريفتىك باعدارلاما جەتى جىلعا سوزىلادى. ورتاشا العاندا, كەيبىر سۋبەكتىلەر مەن تكش تۇرلەرى بويىنشا تاريفتەردىڭ ءوسۋى 10-15% بولادى. بۇل ورتاشا ەسەپپەن 20-30% قۇرايدى. سۋ – ماڭىزدى رەسۋرس. ءبىز ونى ۇنەمدەۋگە تىرىسۋىمىز كەرەك. تەك ينفلياتسيانى ۇستاپ تۇرۋ كەرەك», دەدى ول.
مينيستر ايتقانداي, ەلەكتر ەنەرگياسى بويىنشا ورتاشا ءوسىم – 20-30%.
«بۇل سۋبەكتىنىڭ قۋاتىنا بايلانىستى. سونداي-اق سۋدىڭ ءتاريفى دە وتە تومەن. بىلتىر مەن باتىس قازاقستان وبلىسىندا بولدىم. وندا سۋدىڭ ءبىر تەكشە مەترى – 44 تەڭگە. ارينە, وسىدان كەيىن سۋ ءتيىمسىز پايدالانىلادى. مىسالى, ءسىز مونشاعا بارساڭىز, وندا سۋدىڭ تەككە اعىپ جاتقانىن كورەسىز. ونى ءوشىرۋ كەرەك. وكىنىشكە قاراي, ۇنەمدەۋ جوق. وتە ماڭىزدى رەسۋرس بولعاندىقتان, سۋدى ۇنەمدەۋىمىز كەرەك. تاريف وسەدى. بۇگىندە سۋعا 200-500 تەڭگە تولەيمىز. سوندىقتان مۇندا (سۋ ءتاريفىن) ايتارلىقتاي كوتەرۋگە بولادى. ولاي ىستەمەسەك, ۇنەمدەۋ بولمايدى. بيىل تاريف (باعاسى) وسەدى», دەدى قۋانتىروۆ.
