فوتو: polisia.kz
«قاراعاندى وبلىسى, ساران قالالىق پوليتسيا ءبولىمىنىڭ قىزمەتكەرلەرىمەن جۇرگىزىلگەن كەشەندى ءىس-شارالار بارىسىندا الاياقتىقپەن اينالىسقان 19 جاستاعى قاراعاندى قالاسىنىڭ تۇرعىنى ۇستالدى.
بەلگىلى بولعانداي, 73 جاستاعى زەينەتكەر ايەلگە بەلگىسىز بىرەۋلەر قوڭىراۋ سوعىپ, نەمەرەسى جول-كولىك وقيعاسىن جاساعانىن, ول جەردە جاياۋ جۇرگىنشى اۋىر جاراقات العانىن ايتقان. ال جول-كولىك وقيعاسىن جاساعان كىنالى ادام قىلمىستىق جاۋاپكەرشىلىككە تارتىلاتىنىن ايتىپ, ونى شەشۋ ءۇشىن 9 ميلليون اقشا سۇراعان. زەينەتكەر, بۇل حابارلاسقان ادامعا قولىندا بار 700 مىڭ تەڭگە جانە 5 مىڭ اقش دوللارىن بەرگەن. كەيىن, ءوزىنىڭ الاياقتىڭ قۇربانى بولعانىن سەزگەن سوڭ, پوليتسياعا ارىزدانعان. ءتارتىپ ساقشىلارى كۇدىكتىدەن زەينەتكەر بەرگەن اقشانى ياعني 550 مىڭ تەڭگە جانە 5 مىڭ اقش دوللارىن ايعاق زات رەتىندە تاركىلەدى. 150 مىڭ تەڭگەمەن كۇدىكتى ءوزىنىڭ نەسيەسىن جاۋىپ ۇلگەرگەن», دەلىنگەن اقپاراتتا.
تەرگەۋ كەزىندە كۇدىكتىڭ ءدال وسىنداي تاعى 5 قىلمىسقا قاتىسى بارى انىقتالىپ, جارىلەنۋشىلەرگە كەلتىرگەن شىعىن مولشەرى 6 ميلليون 600 مىڭ تەڭگە بولعان. قاراعاندى وبلىستىق پوليتسيا دەپارتامەنتى باستىعىنىڭ ورىنباسارى ءابىل ءابىلدين كۇدىكتىنىڭ ۇستىنەن الاياقتىق بابىمەن قىلمىستىق ءىس قوزعالىپ, تەرگەۋ ءجۇرىپ جاتقانىن ءمالىم ەتتى.
