وتكەن جىلى باستالعان پيلوتتىق جوبا ءوز تيىمدىلىگىن كورسەتىپ, جالپىحالىقتىق باعدارلاماعا اينالدى. 2023 جىلى 1 قىركۇيەكتە مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا «قارىزسىز قوعام» جوباسىن ەرەكشە اتاپ ءوتىپ, ونىڭ يگىلىگىن بارشا حالىق كورۋى كەرەك دەگەن ەدى. 16 قىركۇيەكتە «قارىزسىز قوعام» جوباسىنىڭ ورىندالۋى ۇكىمەتتە قارالدى.
قر قارجى نارىعىن رەتتەۋ جانە دامىتۋ اگەنتتىگى «اماNات» پارتياسىمەن بىرلەسىپ, «قارىزسىز قوعام» ءبىلىم بەرۋ جوباسىنىڭ اۋقىمىن كەڭەيتەتىن جول كارتاسىن جانە قالالاردا اشىلاتىن جوبالىق كەڭسەلەردىڭ جۇمىسى تۋرالى ەرەجەنى دايىندادى. جوبالىق كەڭسەلەر ازاماتتارعا قارجىلىق جانە قۇقىقتىق ماسەلەلەر بويىنشا كەڭەس بەرەدى.
سونىمەن بىرگە, «قارىزسىز قوعام» جوباسى اياسىن قارجىلىق ساۋات بويىنشا ءبىلىم بەرۋ پلاتفورماسى ىسكە قوسىلادى جانە قازاقستاننىڭ بارلىق جوعارى وقۋ ورىندارىنا, كوللەدجدەرىنە جانە مەكتەپتەرىنە قارجىلىق ساۋات كۋرسى ەنگىزىلەءدى. دالىرەك ايتقاندا, 450 مىڭ وقۋشى مەن 100 مىڭ ستۋدەنتتى قارجىلىق ساۋات نەگىزدەرىنە ۇيرەتۋ جوسپارلانعان. بۇل وقۋ ورىندارى ءۇشىن ارنايى ءادىستەمە مەن وقۋ قۇرالدارى ازىرلەنەدى.
وسىلايشا, كەلەسى جىلدان باستاپ «قارىزسىز قوعام» جوباسىندا جالپى سانى 750 مىڭ ادام قارجىلىق ساۋاتتى ۇيرەنەدى دەپ جوسپارلانۋدا.
ايتا كەتەيىك, «قارىزسىز قوعام» − حالىقتىڭ قارجىلىق ساۋاتىن ارتتىرۋعا باعىتتالعان «AMANAT» پارتياسى مەن Halyk Bank-ءتىڭ بىرلەسكەن باستاماسى. اتالعان جوبادا نەسيە بويىنشا بەرەشەگى بار جانە بورىشكەرلەر تىزىمىندە تۇرعان اۋىل تۇرعىندارى, قارىزى بار جانە ونىڭ مەرزىمىن وتكىزىپ العان ازاماتتار, مەملەكەتتەن جەڭىلدىكپەن نەسيە الۋعا ۇمىتكەر كاسىپكەرلەر وقۋدان وتە الادى.
جوبانىڭ العاشقى وقىتۋ كۋرسى 2 مامىردا باستالىپ, ەلىمىزدىڭ 8 وڭىرىندە جۇزەگە اسىرىلدى. اتاپ ايتقاندا, وسى ۋاقىت ىشىندە الماتى, اقتوبە, اتىراۋ, باتىس قازاقستان, سولتۇستىك قازاقستان, تۇركىستان, جامبىل جانە ماڭعىستاۋ وبلىستارىنىڭ 65 مىڭ تۇرعىنى جوبا اياسىندا قارجىلىق ساۋاتىن ارتتىرۋ بويىنشا وقۋ كۋرسىنان ءوتتى.
قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆانىڭ ايتۋىنشا, سوڭعى ءۇش جىلدا قازاقستاندا تۇتىنۋ نەسيەسىن العاندار سانى ارتىپ كەلەدى. قازىرگى ۋاقىتتا 8,4 ملن حالىقتىڭ موينىندا 18 ترلن تەڭگە نەسيە بار. ونىڭ ىشىندە تۇرعىندار شاعىن ميكروقارجىۇيىمدارىنان 197 ملرد تەڭگە ونلاين قارىز راسىمدەگەن.
