فوتو: facebook.com/KairatUrazbaev
قالالىق سوت بۇرىنعى اكىمنىڭ دەنساۋلىق جاعدايىنا بايلانىستى سوتتىڭ بۇلتارتپاۋ شاراسى وزگەرگەنىن حابارلادى.
«اتىراۋ قالاسىنىڭ مامانداندىرىلعان تەرگەۋ سوتىنىڭ 2023 جىلعى 11 قاراشاداعى قاۋلىسىمەن ق.ورازباەۆقا قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسى دەنساۋلىعىنا بايلانىستى ۇيقاماققا وزگەرتىلدى», دەلىنگەن اتىراۋ قالالىق مامانداندىرىلعان تەرگەۋ سوتىنىڭ اقپاراتىندا.
ايتا كەتەيىك, 2020-2022 جىلدارى اتىراۋ قالاسى اكىمدىگىنىڭ بۇرىنعى لاۋازىمدى تۇلعالارى جەكە تۇرعىن ءۇي قۇرىلىستارى ءۇشىن رەكرەاتسيالىق ايماقتارعا, ونىڭ ىشىندە جاسىل جەلەك ايماقتارى, ساياباقتار, سكۆەرلەر, جاعالاۋلار جانە تاعى باسقا ساناتقا جاتاتىن جەر ۋچاسكەلەرىن زاڭسىز بەرگەنى انىقتالعان. وسىعان بايلانىستى قر قىلمىستىق كودەكسىنىڭ 190-بابى 4-بولىگىنىڭ 2-تارماعىندا كوزدەلگەن قىلمىستىق قۇقىق بۇزۋشىلىق جاسادى دەگەن كۇدىكپەن اتىراۋ قالاسىنىڭ ەكس-اكىمى قايرات ورازباەۆ ۇستالعان ەدى.
