فوتو: aptamedia.kz
كەزدەسۋلەر بارىسىندا ارىپتەستەر ۆەدومستۆوارالىق ىنتىماقتاستىقتى كەڭەيتۋ جانە حالىقارالىق قاۋىپسىزدىكتى قامتاماسىز ەتۋ ماسەلەلەرىن كەڭىنەن تالقىلادى.
ەلىمىزدىڭ باس قاداعالاۋ ورگانىنىڭ باسشىسى قازاقستان رەسپۋبليكاسى بىرىككەن اراب امىرلىكتەرىنە ۇقساس سىن-قاتەرلەر مەن قاۋىپتەرگە تاپ بولاتىندىعىن, سوندىقتان قىلمىسپەن كۇرەس ماسەلەلەرىن بىرلەسىپ شەشۋ, ۇزدىك جۇمىس تاجىريبەسىمەن ۇدايى الماسا وتىرىپ, زاماناۋي سىن-قاتەرلەر مەن قاۋىپتەرگە قارسى تۇرۋ ماڭىزدى ەكەنىن اتاپ ءوتتى.
سونداي-اق قازاقستاننىڭ باس پروكۋرورى قىلمىستىق-قۇقىقتىق سالاداعى ەكىجاقتى ىنتىماقتاستىقتىڭ كەيبىر اسپەكتىلەرىنە, اتاپ ايتقاندا, ىزدەۋدە جۇرگەن ادامداردى ەكستراديتسيالاۋعا جانە قىلمىستىق ىستەر بويىنشا قۇقىقتىق كومەك كورسەتۋ ماسەلەلەرىنە جان-جاقتى توقتالدى. كەزدەسۋ اياسىندا اراب تاراپىنىڭ زاڭسىز الىنعان اكتيۆتەردى قايتارۋ ماقساتىندا ولاردى ىزدەۋ ءۇشىن جاساندى ينتەللەكتىنى (جي) پايدالانۋ تاجىريبەسى دە تالقىلاندى.
ساپار ناتيجەسىندە, قازاقستان رەسپۋبليكاسىنىڭ باس پروكۋراتۋراسى مەن ءباا ادىلەت مينيسترلىگى اراسىنداعى ىنتىماقتاستىق باعدارلاماسىنا قول قويىلدى. تاراپتار بۇل قۇجاتتى جۇزەگە اسىرۋ قىلمىسقا قارسى كۇرەس سالاسىنداعى حالىقارالىق ىنتىماقتاستىقتى ودان ءارى نىعايتا تۇسەتىنىنە سەنىم ءبىلدىردى.
