كوللاج El.kz
ولاردىڭ قاتارىندا بەلگىلى جازۋشىلار, اقىندار مەن اعارتۋشىلار بار. بۇل تۋرالى قر مادەنيەت جانە اقپارات مينيسترلىگىنىڭ ءباسپاسوز قىزمەتى مالىمدەدى.
وسى جىلدىڭ ايتۋلى كۇندەرىنىڭ ءبىرى – بالالار جازۋشىسى, اقىن, ستسەناريست بەردىبەك سوقپاقباەۆتىڭ 100 جىلدىعى بولماق.
سونداي-اق قازاق ادەبيەتىنىڭ دامۋىنا زور ۇلەس قوسقان بەلگىلى جازۋشى, اۋدارماشى ءابدىجامىل نۇرپەيىسوۆتىڭ تۋعانىنا 100 جىل تولادى. ءوز زامانىندا ول «قازاق كسر حالىق جازۋشىسى» ناگراداسىنا يە بولدى.
تەاتر جانە كينو رەجيسسەرى, قازاق كسر حالىق ءارتىسى شاكەن ايمانوۆتىڭ تۋعانىنا بيىل 110 جىل.
قازاق بەينەلەۋ ونەرىنىڭ نەگىزىن قالاۋشى ءابىلحان قاستەەۆتىڭ تۋعانىنا 120 جىل تولادى.
سونداي-اق ايتۋلى داتالار تىزىمىندە – زاماناۋي قازاق ادەبيەتىنىڭ نەگىزىن سالۋشى, اقىن, جازۋشى, دراماتۋرگ ءىلياس جانسۇگىروۆ بار.
اقىن, جازۋشى ساكەن سەيفۋلليننىڭ 130 جىلدىعى اتاپ وتىلەدى.
جازۋشى, اقىن, دراماتۋرگ بەيىمبەت ءمايليننىڭ تۋعانىنا - 130 جىل.
جازۋشى, اقىن, دراماتۋرگ جۇسىپبەك ايماۋىتوۆقا - 135 جىل.
اقىن, جىراۋ, ءانشى, كومپوزيتور كەنەن ازىرباەۆتىڭ تۋعانىنا 140 جىل تولار ەدى.
