فوتو: gov.kz
بولىمشە قورعانىس ۆەدومستۆوسىنىڭ اكىمشىلىك عيماراتى پايدالانۋعا بەرىلگەن 2003 جىلعى 22 قاڭتاردا قورعانىس ءمينيسترىنىڭ ديرەكتيۆاسىمەن قۇرىلعان بولاتىن.
قازاقستان قارۋلى كۇشتەرى اسكەري پوليتسيا باس باسقارماسىنىڭ باسشىسى, پولكوۆنيك رۋسلان ق ۇلىمبەتوۆتىڭ مەرەكەلىك قۇتتىقتاۋىن رەجىم مەن قاۋىپسىزدىكتى قامتاماسىز ەتۋ جونىندەگى اسكەري پوليتسيا جاساعىنىڭ كومانديرى, پولكوۆنيك تالعات ءامىرحان جەتكىزدى.
«سىزدەردىڭ بولىمشەلەرىڭىز ستراتەگيالىق ماڭىزى بار نىساندى كۇزەتۋ مەن قورعاۋ جونىندەگى جاۋاپتى ميسسيانى ورىندايدى. ونىڭ قاۋىپسىزدىگى جەكە قۇرامنىڭ كاسىبيلىگىنە, قاعيداتشىلدىعى مەن قىزمەتكە ادالدىعىنا بايلانىستى. قىزمەت پەن لاۋازىمدىق مىندەتتەرگە كوزقاراس ارقىلى سىزدەر قۇقىقتىق مادەنيەتتى قالىپتاستىرىپ, اسكەري ءتارتىپ پەن قۇقىقتىق ءتارتىپتىڭ جاي-كۇيىنە اسەر ەتەسىزدەر», دەلىنگەن قۇتتىقتاۋدا.
بولىمشەنىڭ اسكەري قىزمەتشىلەرى اۋماققا كىرۋدى جانە مينيسترلىك عيماراتىنا كىرىپ-شىعۋدى باقىلايدى. باقىلاۋ جانە باسقارۋ جۇيەلەرىن, كۇزەت-ءورت دابىلىن, پەريمەترلىك جانە ىشكى بەينەباقىلاۋدى پايدالانا وتىرىپ, جاساقتىڭ جەكە قۇرامى سەنىپ تاپسىرىلعان نىساننىڭ قاۋىپسىزدىگىن قامتاماسىز ەتەدى.
قىزمەتتىڭ قالىپتاسۋى مەن دامۋىنا پولكوۆنيكتەر مولدوكۋن بارامىشەۆ, ەرىك باكىرباەۆ, نۇرجان شوپەنوۆ جانە پودپولكوۆنيك سىرىم ءنۇسىپجانوۆتار ەلەۋلى ۇلەس قوستى. بولىمشە اسكەري قىزمەتشىلەرىنىڭ جوعارى كاسىبي شەبەرلىگى ولاردىڭ ءارتۇرلى دەڭگەيدەگى وقۋ-جاتتىعۋلارداعى, حالىقارالىق ارميا ويىندارى مەن قارۋلى كۇشتەردىڭ اسكەري-تاكتيكالىق جارىستارىنداعى ناتيجەلەرىنەن كورىنىپ ءجۇر.
