«اۋلا سىپىرۋشىلاردىڭ جۇمىستارى وڭاي ەمەس. قىسى-جازى اۋىلدى قوقىستان تازارتادى. بىزگە استانادان 30 كۇرتەشە جەتتى. كوپ ويلانباي, ەڭبەك ادامدارىنا تابىستاۋدى ءجون كوردىك. ەڭبەككەرلەر ەڭ ۇلكەن قۇرمەتكە لايىق», دەيدى «Nura arnasy» ەرىكتىلەر شتابىنىڭ جانە اۋداندىق جاستار رەسۋرستىق ورتالىعىنىڭ باسشىسى تالعات شولتاەۆ.
«Nura arnasy» ەرىكتىلەر شتابىنىڭ وكىلدەرى جاقسىلىق جاساپ جارىسادى دەسەك تە بولادى. ماسەلەن, جاڭا جىل قارساڭىندا مۇمكىندىگى شەكتەۋلى بالالارعا تاتتىلەر تاراتقان. قارتتار ۇيىنە بارىپ, مەرەكەلىك داستارقان جايىپ بەرگەن. جەرگىلىكتى بالالار مەن جاسوسپىرىمدەر سپورت مەكتەبىنە سپورتتىق قۇرال-جابدىقتار ساتىپ الۋعا جاردەمدەسكەن. جيىرمادان استام جالعىزباستى جانە قارت ادامنىڭ اۋلاسىن قاردان تازارتىپ بەرگەن. بوران كەزىندە قار قۇرساۋىندا قالىپ قويعان كولىكتەرگە جاردەمدەسكەن.
ء«بىزدىڭ شتاب 120-دان استام ەرىكتىنى قامتيدى. قاتاردا مەكتەپ وقۋشىلارى, ستۋدەنتتەر جانە ءارتۇرلى ۇيىم قىزمەتكەرلەرى, سونىڭ ىشىندە مۇعالىمدەر دە بار. بوران كەزىندە مۇعالىمدەر توقتاپ قالعان كولىكتەردەگى جولاۋشىلاردى قار قۇرساۋىنان شىعارىپ الۋعا كومەكتەستى. ءبىز ولاردى جىلىتۋ پۋنكتتەرىنە دەيىن جەتكىزدىك. الداعى ۋاقىتتا دەمەۋشىلىك كومەكتىڭ ارقاسىندا ءبىز ارقايسىسىنىڭ سالماعى 50 كيلو بولاتىن 30 ازىق-ت ۇلىك جيىنتىعىن تاراتۋدى جوسپارلاپ وتىرمىز. بىزگە نەگىزىنەن ەلوردالىق كاسىپكەرلەر, ءىرى سۋپەرماركەتتەر مەن ۇيىمدار كومەكتەسەدى», دەيدى تالعات شولتاەۆ.
قاراعاندى وبلىسى,
نۇرا اۋدانى
