فوتو: اقوردا ءباسپاسوز قىزمەتى
كەزدەسۋ بارىسىندا بىلتىر قاراشا ايىندا وتكەن تۇركى مەملەكەتتەرى ۇيىمىنىڭ X cامميتىندە قازاقستان تاراپى ۇيىمنىڭ قازىرگى توراعاسى رەتىندە ۇسىنعان «تۇركى ءداۋىرى!» («TURKTIME!») باعدارلاماسىنىڭ باستى باعىتتارىن جۇزەگە اسىرۋ ماسەلەلەرى تالقىلاندى.
قاسىم-جومارت توقاەۆ تۇركى تىلدەس مەملەكەتتەردىڭ مادەني, رۋحاني, تاريحي, ساياسي-ەكونوميكالىق سالالارداعى بايلانىستارىن نىعايتۋ قاجەت ەكەنىن ايتتى. بۇل رەتتە مەملەكەت باسشىسى ۋنيۆەرسيتەتتەردىڭ فيليالىن اشۋ, بىرلەسكەن عىلىمي زەرتتەۋلەر جۇرگىزۋ, ورتاق قۇندىلىقتاردى دارىپتەۋ, سونىمەن قاتار قارجى, جاساندى ينتەللەكت, IT جانە اەروعارىش ونەركاسىبى سەكىلدى ەكونوميكانىڭ باسىم باعىتتارى بويىنشا بىرلەسكەن جوبالاردى جۇزەگە اسىرۋ جۇمىستارىنا باسا نازار اۋدارۋ كەرەكتىگىن اتاپ ءوتتى.
ءوز كەزەگىندە يكرام ادىربەكوۆ تۇركىستان قالاسىن تۇركى الەمىنىڭ رۋحاني استاناسى, بۇكىل تۇركى حالىقتارىنا ورتاق تاريحي شاھار رەتىندە دامىتۋ ءۇشىن اتقارىلۋعا ءتيىس شارالار تۋرالى وي-پىكىرىمەن ءبولىستى.
پرەزيدەنت تۇركى مەملەكەتتەرى ۇيىمىنىڭ اقساقالدار كەڭەسى باۋىرلاس حالىقتاردىڭ ءوزارا ىقپالداستىعىن ارتتىرۋعا ەلەۋلى ۇلەس قوساتىنىنا سەنىم ءبىلدىردى.
