فوتو: gov.kz
27 قاڭتاردا ەلىمىزدىڭ باس شاھارى العاش رەت جەڭىل اتلەتيكادان World Indoor Tour Gold – Astana Amoor meet for Amin Tuyakov Prizes سەرياسىنداعى بەدەلدى جارىستاردى وتكىزەدى. World Indoor Tour Gold ايگىلى «گاۋھار ليگا» سەرياسىنىڭ انالوگى بولىپ سانالادى جانە جىل سايىن الەمدەگى ەڭ ۇزدىك سپورتشىلاردىڭ باسىن قوسادى.
World Indoor Tour Gold كۇنتىزبەسىنە الەمنىڭ جەتى قالاسى عانا كىرەدى:
- استانا, قازاقستان (27 قاڭتار 2024 ج.);
- وستراۆا, چەحيا (30 قاڭتار, 2024);
- بوستون, اقش (4 اقپان, 2024);
- تورۋن, پولشا (6 اقپان, 2024);
- لەۆەن, فرانتسيا (10 اقپان 2024);
- نيۋ-يورك, اقش (11 اقپان, 2024);
- مادريد, يسپانيا (23 اقپان, 2024).
تۋرنيرگە الەمنىڭ 45 ەلىنەن 136 سپورتشى قاتىسادى.
ەلوردادا 1-5 اقپان ارالىعىندا ەرەسەكتەر اراسىندا گرەك-ريم جانە ەركىن كۇرەستەن ەل بىرىنشىلىگى وتەدى. وعان 17 وبلىستان جانە الماتى, استانا, شىمكەنت قالالارى سپورتشىلارى قاتىسادى.
ايتا كەتسەك, ناۋرىز مەرەكەسىنە وراي ەلوردادا بىرقاتار جارىستار جوسپارلانعان. مىسالى, سپورتشىلار اسىق اتۋ, ارقان تارتۋ, ارمرەستلينگ, گىر كوتەرۋ بويىنشا سىنعا تۇسەدى.
سونداي-اق ناۋرىز ايىندا كوركەم گيمناستيكادان حالىقارالىق تۋرنير وتكىزۋ جوسپارلانىپ وتىر.
بيىل «Qazaqstan Barysy Grand Slam 2024» الەمدىك ءتۋرنيرى الماتىدان استاناعا اۋىستىرىلعانى ءمالىم. جارىس 10-12 مامىرعا جوسپارلانعان.
V دۇنيەجۇزىلىك كوشپەندىلەر ويىندارىن وتكىزۋ جىلدىڭ باستى سپورتتىق ءىس-شارالارىنىڭ ءبىرى بولماق.
قاراشا ايىندا استانادا سامبودان الەم چەمپيوناتى جوسپارلانعان.
بيىل استانادا ايەلدەر اراسىندا بوكستان الەم چەمپيوناتى وتەدى. بۇل تۋرالى وزبەكستان استاناسى تاشكەنتتە وتكەن حالىقارالىق بوكس قاۋىمداستىعىنىڭ (IBA) رەسمي وتىرىسىندا حابارلانعان.
