فوتو: baq.kz
«تاۋ-كەن جۇمىستارىن جۇرگىزۋ قاۋىپسىزدىگى ەرەجەلەرىن بۇزۋعا بايلانىستى تەرگەۋ جونىندەگى كوميسسيا قۇرىلدى. ءىس بويىنشا پروتسەسسۋالدى پروكۋرورلار تاعايىندالدى. قازبا ورنىنان اۆتوبۋستىڭ بىرنەشە فراگمەنتتەرى مەن قۇتقارۋشىلاردىڭ جەكە جابدىقتارى جەر بەتىنە كوتەرىلدى. قازىرگى ۋاقىتتا وقيعا ورنىنا جول سالۋ ءۇشىن توپىراق شىعارىلىپ, گەوسكانەرلەۋ جۇرگىزىلدى, شاعىن كولەمدى ەكسكاۆاتورلار ءتۇسىرىلدى, ەكى قۇتقارۋشىنى ىزدەۋ جالعاسىپ جاتىر. تاۋ جىنىستارىنىڭ تۇراقسىزدىعىنا جانە شۇڭقىر استىندا قۋىس جەرلەر پايدا بولىپ, توپىراقتىڭ باسۋىنا بايلانىستى جۇمىستاردى جۇرگىزۋ قيىنعا سوعىپ تۇر», دەپ حابارلادى باس پروكۋراتۋرا.
قازىرگى تاڭدا ىزدەستىرۋ-قۇتقارۋ جۇمىستارىنا 147 ادام, 45 تەحنيكا, 3 كينولوگيالىق ەسەپ جانە 2 ۇشقىشسىز ۇشۋ اپپاراتى جۇمىلدىرىلعان.
قىلمىستىق ءىستى تەرگەۋ بارىسىندا كاسىپورىننىڭ 40-تان استام قىزمەتكەرىنەن, سونداي-اق جشس باسشىلىعىنان جاۋاپ, قاجەتتى قۇجاتتار, بەينەباقىلاۋ كامەراسىنان جازبالار الىندى.
ءىس بويىنشا جولدىڭ وپىرىلىپ قۇلاۋ سەبەپتەرىن انىقتاۋ ءۇشىن ەلدىڭ ءارتۇرلى ايماقتارىنان تاۋ-كەن-قۇرىلىس جۇمىستارى سالاسىنىڭ ماماندارى شاقىرىلىپ, بىرقاتار ساراپتاما تاعايىندالعان.
تەرگەۋ باس پروكۋراتۋرانىڭ باقىلاۋىندا.
