«Natural Gas + H2» بىرلەسكەن جوباسى «جاسىل» سۋتەگى ءوندىرىسىن قۇرۋعا جانە ونى تابيعي گازبەن وڭتايلى ارالاستىرۋعا باعىتتالعان. جاڭا تەحنولوگيا اتموسفەراعا بولىنەتىن كومىرقىشقىل ديوكسيدى قالدىقتارىن ازايتۋعا جانە ەكولوگيانى جاقسارتۋعا قاجەت. ەۇۋ عالىمدارى تاجىريبەلىك-ونەركاسىپتىك ۋچاسكەدە الىنعان ناتيجەلەر بويىنشا جاڭاشىلدىقتى الماتى مەن اقتاۋ قالالارىنداعى جىلۋ ەلەكتر ورتالىقتارىنا ەنگىزۋدى ۇسىناتىن بولادى.
«ەۋرازيا ۇلتتىق ۋنيۆەرسيتەتىنىڭ ۇلكەن عىلىمي الەۋەتى جانە مىقتى كادرلارى بار. ءبىز عالىمدارىمىزدىڭ عىلىمي زەرتتەۋلەرىن قولداۋعا باسىمدىق بەرەمىز. ەۇۋ زەرتتەۋشىلەرى ونەركاسىپتىك كاسىپورىنداردىڭ اۋانى لاستاۋ دەڭگەيىن تومەندەتۋ ءۇشىن عىلىمدى قاجەتسىنەتىن جانە ەكولوگيالىق تازا جاڭا تەحنولوگيالاردى ازىرلەۋ باعىتىندا بەلسەندى ەڭبەك ەتەتىنىن اتاپ وتكىم كەلەدى. ءبىزدىڭ پروفەسسور قايرات كۇتەربەكوۆتىڭ جەتەكشىلىگىمەن عالىمدار توبى العاش رەت قازاقستاندا سۋتەگى ەنەرگەتيكاسى تەحنولوگيالارىن دامىتۋ جوبالارىنا باستاماشىلىق تانىتىپ, ولاردى ىسكە اسىردى. بۇل مەموراندۋم شەڭبەرىندەگى حالىقارالىق ىنتىماقتاستىق ەكولوگيالىق تازا سۋتەگىن ءوندىرۋ جانە پايدالانۋ باعىتىندا پيلوتتىق جوبالاردى قولعا الۋعا جول اشادى. ءبىزدىڭ بىرلەسكەن كۇش-جىگەرىمىزدىڭ ناتيجەسى ەكولوگيانى ەداۋىر جاقسارتاتىن جانە زياندى قالدىقتاردى ازايتاتىن وتىن ءوندىرىسىنىڭ جاڭا تەحنولوگيالىق جەلىسىنىڭ ىسكە قوسىلۋى بولادى دەپ سەنەمىن», دەپ اتاپ ءوتتى ل.ن. گۋميلەۆ اتىنداعى ەۇۋ ستراتەگيالىق دامۋ جونىندەگى پرورەكتورى دۋمان ايتماعامبەتوۆ.
ەۇۋ عالىمدارى سۋتەگى ەنەرگەتيكاسى سالاسىندا 15 جىلدان استام ۋاقىتتان بەرى عىلىمي قىزمەتپەن اينالىسىپ كەلەدى. ۋنيۆەرسيتەتتە «ەۋرازيالىق فيزيكا-ەنەرگەتيكالىق زەرتتەۋلەر جانە عىلىمدى قاجەت ەتەتىن تەحنولوگيالار ينستيتۋتى» عزي تابىستى جۇمىس ىستەيدى.
وتكەن جىلى ەۇۋ مەن «الماتى ەلەكتر ستانتسيالارى» اق قورشاعان ورتانى قورعاۋ جانە گاز-سۋتەگى وتىنىنىڭ قوسپاسىن پايدالانۋ باعىتىندا ىنتىماقتاستىق پەن ءوزارا ءىس-قيمىل تۋرالى مەموراندۋمعا قول قويعانىن ايتا كەتكەن ءجون.
