تاربيەشى وفيتسەرلەردىڭ بۇگىنگى قىزمەتى مەن تىنىس-تىرشىلىگى تۋرالى قورعانىس مينيسترلىگى تاربيە جانە يدەولوگيالىق جۇمىستار دەپارتامەنتىنىڭ باسشىسى, ادىلەت پولكوۆنيگى تىلەۋحان باسقوجاەۆ ايتىپ بەردى. «اسكەري ورتادا «كوماندير ماجبۇرلەيدى, ال «زامپوليت» مۇنىڭ نە ءۇشىن قاجەت ەكەنىن تۇسىندىرەدى» دەگەن قالىپتاسقان قاعيدا بار. سونىمەن بىرگە ولاردىڭ «ساربازدار مەن وفيتسەر جانىنىڭ ينجەنەرى» دەپ اتالۋى دا كەزدەيسوقتىق ەمەس. تاربيە جونىندەگى ورىنباسارلار سىندارلى ساتتە جەكە قۇرامنىڭ مورالدىق-پسيحولوگيالىق دايىندىعىمەن اينالىسادى. ال ۇرىس قيمىلدارى كەزىندە ولارعا ۇلكەن ساياسي جۇمىس جۇكتەلەدى», دەيدى ول.
ونىڭ ايتۋىنشا, بۇگىنگى ساپتاعى ساربازداردىڭ ازاماتتىق قوعامعا قانداي جۇكپەن ورالاتىندىعى دا تاربيەشى وفيتسەرلەرگە بايلانىستى. اسكەري بولىمدەردىڭ, قۇرامالاردىڭ جاۋىنگەرلىك دايىندىق دارەجەسى, جەكە قۇرامنىڭ مورالدىق دەڭگەيى مەن جاۋىنگەرلىك بەلسەندىلىگى تاربيە جۇمىسىن ۇيىمداستىرۋدىڭ ساپاسىنا تىكەلەي قاتىستى.
«تاربيە جانە يدەولوگيالىق جۇمىس جونىندەگى ورىنباسارلار – مەملەكەتتىڭ قورعانىس جانە قاۋىپسىزدىك سالاسىنداعى ساياساتىنىڭ باستى باعىتتاۋشى قۇرالى. ۇجىمداردا سالاماتتى مورالدىق-پسيحولوگيالىق كليماتتىڭ قالىپتاسۋى سولارعا جۇكتەلگەن. تاربيە مەن يدەولوگيالىق جۇمىستىڭ نەگىزگى الەۋەتى اسكەري قىزمەتشىلەردىڭ بويىندا پاتريوتتىق سانانى قالىپتاستىرۋعا جانە اسكەري بورىشتى ادال اتقارۋعا دەگەن قۇلشىنىستى ارتتىرۋعا, ارميانىڭ ءيميدجىن نىعايتۋعا, قارۋلى كۇشتەردە اسكەري-پاتريوتتىق جۇمىستى ۇيىمداستىرۋعا جانە ۇيلەستىرۋگە باعىتتالعان», دەيدى ادىلەت پولكوۆنيگى.
ت.باسقوجاەۆ تاربيە جۇمىسىنىڭ قازىرگى نىساندارى مەن ادىستەرى قورعانىس ءمينيسترى مەن اسكەري باسقارۋ ورگاندارىنىڭ ءبىرىنشى باسشىلارى بەكىتەتىن باعدارلامالار مەن جوسپارلارعا سايكەس جۇزەگە اسىرىلاتىنىن, بۇل رەتتە ونىڭ نەگىزىنەن جەكە قۇرامنىڭ ءومىرى مەن دەنساۋلىعىن ساقتاۋعا باعىتتالعانىن ايتادى. قارۋلى كۇشتەردەگى تاربيە ماسەلەسى قورعانىس ءمينيسترى, گەنەرال-پولكوۆنيك رۋسلان جاقسىلىقوۆتىڭ ۇنەمى ءجىتى نازارىندا. ورتالىق اپپاراتتا وتەتىن ءاربىر كەڭەستە سالا باسشىسى قارۋلى كۇشتەر تۇرلەرى باس قولباسشىلارىنا, اسكەر تەكتەرى مەن وڭىرلىك قولباسشىلىق اسكەرلەرىنىڭ قولباسشىلارىنا, اسكەري ءبولىم كومانديرلەرىنە تاربيەسىز ءتارتىپتىڭ تۇل ەكەنىن ەسكەرتىپ, جەكە قۇرامدى اتا-بابالارىمىزدىڭ ەرلىگى, قازاقستاندىق پاتريوتيزم رۋحىندا تاربيەلەۋدى العا تارتادى.
«قورعانىس مينيسترلىگى تاربيە جۇمىسىنىڭ نەگىزگى اسپەكتىلەرى بويىنشا اسكەري رەگلامەنتتەردى ازىرلەپ, ولاردى اسكەرلەرگە ەنگىزدى. لاۋازىمدى تۇلعالارعا جۇرگىزىلەتىن ۇيىمداستىرۋشىلىق جانە پراكتيكالىق قىزمەتتىڭ باعىتتارى مەن ماقساتتارى, مىندەتتەرى مەن نىساندارى, ادىستەرى مەن الگوريتمدەرى ناقتى رەتتەلگەن دەپ سەنىممەن ايتۋعا بولادى. وتكەن جىلى تاجىريبەمىزگە ءبىلىم بەرۋ گرانتتارى مەن نەسيەلىك دەمالىستار بەرۋدى ەنگىزدىك. «وقيعالار مەن قۇقىق بۇزۋشىلىقتاردىڭ ناقتى الدىن الۋ ادىستەمەسى», «وفيتسەرلەردىڭ جينالىسىن ۇيىمداستىرۋ ءتارتىبى», «سالاماتتى ءومىر سالتىن بەكىتۋ بويىنشا قۇقىقتىق, پراكتيكالىق, الدىن الۋ شارالارىنىڭ جيىنتىعى», «اسكەري قىزمەت وتكەرۋ كەزەڭىندە مەرزىمدى قىزمەت اسكەري قىزمەتشىلەرىنىڭ اتا-انالارىنا ارنالعان جادىناما» سياقتى ادىستەمەلەر مەن جوسپارلار تيىمدىلىگىن دالەلدەدى», دەدى تاربيە جانە يدەولوگيالىق جۇمىستار دەپارتامەنتىنىڭ باسشىسى.
جالپى, اسكەري قىزمەتشىلەردىڭ بويىندا ءپاتريوتيزمدى قالىپتاستىرۋ, جاستاردى اسكەري-پاتريوتتىق رۋحتا تاربيەلەۋ ماسەلەلەرى – قورعانىس مينيسترلىگى ءۇشىن قىزمەتتىڭ باسىم باعىتتارىنىڭ ءبىرى. ت.باسقوجاەۆ مەملەكەتتىك-قۇقىقتىق دايىندىق جانە اقپاراتتاندىرۋ جۇيەسىندە جەكە قۇرامعا مەملەكەت باسشىسىنىڭ باعدارلامالىق قۇجاتتارى, حالىققا جولداۋلارى ءتۇسىندىرىلىپ تۇراتىنىن, تاربيە جۇمىسى ساعاتتارىندا قوعامدىق كەلىسىم مەن ەل حالقىنىڭ بىرلىگىن نىعايتۋعا ىقپال ەتەتىن مادەني, ەتنوستىق, تىلدىك جانە ءدىني الۋان تۇرلىلىككە نەگىزدەلگەن نەگىزگى قۇندىلىقتار اشىلاتىن دارىستەر مەن اڭگىمەلەر وتكىزىلەتىنىن جەتكىزدى. «تاربيە جانە يدەولوگيالىق جۇمىس جونىندەگى ورىنباسار ادامداردىڭ ءتىلىن تاۋىپ, ولاردى تۇسىنە دە, ىنتالاندىرا دا بىلۋگە ءتيىس. قارۋلى كۇشتەر دامىعان ۇستىنە دامي تۇسەدى. ايتسە دە ارميانىڭ كۇشى بۇرىنعىداي ساربازداردىڭ, تانكتەر مەن ۇشاقتاردىڭ سانىمەن انىقتالمايدى. باۋىرجان مومىش ۇلى ءبىزدى «ۇرىستاعى ەڭ قاتەرلى قارۋ – ادام جانى, وعان قاجەتتى وق-ءدارى – رۋحاني ازىق بولماق» دەپ ۇيرەتتى», دەيدى ول.
ءبىز قورعانىس مينيسترلىگىنىڭ وكىلىنەن جاسوسپىرىمدەردى اسكەرگە شاقىرۋ جۇمىستارى, جالپى ولاردىڭ وقالى كيىم كيىپ, وتان الدىنداعى پارىزىن ورىنداۋعا قۇلشىنىسىن ارتتىرۋ باعىتىندا اتقارىلىپ جاتقان جۇمىستار جايىندا سۇرادىق. ونىڭ ايتۋىنشا, بالالار مەن جاسوسپىرىمدەردى اسكەري-پاتريوتتىق تاربيەلەۋ ماقساتىمەن 2018 جىلى ەلىمىزدىڭ بارلىق وڭىرىندە فيليالدارى بار «جاس سارباز» اسكەري-پاتريوتتىق قوزعالىسى» رەسپۋبليكالىق قوعامدىق بىرلەستىگى قۇرىلعان. قازىرگى ۋاقىتتا 280 مىڭنان اسا ۇل مەن قىزدى قامتيتىن 8000-عا جۋىق اسكەري-پاتريوتتىق ۇيىم جۇمىس ىستەيدى ەكەن. «جاس سارباز» قوزعالىسىنىڭ نەگىزىندە ءتورت جۇزگە جۋىق «سمارت سارباز» ۇيىرمەسى قۇرىلىپ, ولاردىڭ قۇرامىنا 6 مىڭنان اسا تاربيەلەنۋشى كىرگەن. بۇل ۇيىرمەلەردە بالالار پاتريوتتىق ءىس-شارالارعا قاتىسۋمەن قوسا وزدەرىنىڭ تەحنيكالىق يدەيالارىن دا جۇزەگە اسىرا الادى.
«اسكەرلەردە قوعامدىق تاربيەلىك ماڭىزى بار ءىس-شارالار تۇراقتى نەگىزدە وتكىزىلىپ تۇرادى. ونىڭ ىشىندە «ايبىندى اسكەر» اسكەري-پاتريوتتىق اكتسياسى, اسكەري ماماندار اراسىندا «اسكەر تارلانى» بايقاۋى, «سارباز ساحناسى» سارباز اندەرى فەستيۆالى, رەسپۋبليكالىق «جاس سارباز» اسكەري-پاتريوتتىق اندەر فەستيۆالى بار. وتكەن جىلى «ايبىن» اسكەري-پاتريوتتىق جاستار جيىنى حالىقارالىق دەڭگەيدە ۇيىمداستىرىلىپ, وعان ازەربايجان رەسپۋبليكاسى مەن وزبەكستان رەسپۋبليكاسىنىڭ جاس پاتريوتتارى قاتىستى. جىل سايىن قورعانىس مينيسترلىگىنىڭ كەشەندى اقپاراتتىق-ءتۇسىندىرۋ توبى وڭىرلەرگە شىعىپ تۇرادى. وسىنداي ساپارلار بارىسىندا «جاڭا قازاقستاننىڭ تىرەگى – ايبىندى جاستار» اسكەري-پاتريوتتىق اكتسياسىن وتكىزۋ داستۇرگە اينالعان. ونىڭ ماقساتى – جاستاردى اسكەري-پاتريوتتىق تاربيەلەۋ. توپ مۇشەلەرى مەكتەپتەر مەن كوللەدجدەردە كەزدەسۋلەر ۇيىمداستىرىپ, مەرزىمدى اسكەري قىزمەت اياقتالعاننان كەيىن اسكەري جانە ازاماتتىق جوعارى وقۋ ورىندارىنا ءتۇسۋ شارتتارىن, مەرزىمدى اسكەري قىزمەت وتكەرۋ كەزىندە جوعارى وقۋ ورىندارىنا تۇسۋگە دايىندىق ءتارتىبىن, نەسيەلەر بويىنشا جەڭىلدىكتەر بەرۋ ماسەلەلەرىن تۇسىندىرەدى», دەدى ادىلەت پولكوۆنيگى.
سونىمەن قاتار مەملەكەتتىك اسكەري-تاريحي مۇراجاي قىزمەتكەرلەرى مادەنيەت ۇيلەرىندە ەكسپوناتتار مەن اسكەري جابدىقتار, ارتەفاكتىلەر مەن جەكە زاتتار كەڭىنەن قامتىلعان ەكىنشى دۇنيەجۇزىلىك سوعىس باتىرلارى مەن اۋعان سوعىسى ارداگەرلەرىنىڭ كورمەسىن ۇيىمداستىرىپ تۇرادى. قورعانىس مينيسترلىگىنىڭ ورتالىق ءانسامبلى ۇلتتىق ۇلان حورىمەن بىرگە قالالارعا كونتسەرتتىك باعدارلامامەن بارىپ ءجۇر. ت.باسقوجاەۆ بۇعان قوسا اسكەري قىزمەتشىلەردىڭ بالالارى ءۇشىن گارنيزونداردا سۋرەت سالۋ, حورەوگرافيا, مۋزىكالىق اسپاپتاردا ويناۋدى ۇيرەتۋ, ۆوكال, قولونەر, تىلدەردى ۇيرەنۋ, توقىما, ۇلتتىق ويىندار بويىنشا ۇيىرمەلەر, ءجۇزۋ, كاراتە, بوكس, گيمناستيكا, قازاق كۇرەسى, فۋتبول سەكىلدى سپورت سەكتسيالارى جۇمىس ىستەيتىنىن, ءبىلىم كۇنى قارساڭىندا اسكەري قىزمەتشىلەر مەكتەپتەردە «ەرلىك ساباقتارىن» وتكىزىپ, «مەكتەپكە جول» اكتسياسى تۇراقتى تۇردە ۇيىمداستىراتىنىن جەتكىزدى.
«وسىنداي ءىس-شارالار وسكەلەڭ ۇرپاقتى اسكەري-پاتريوتتىق تاربيەلەۋدىڭ وزەكتى پروبلەمالىق ماسەلەلەرىن شەشۋگە كوپ مۇمكىندىك بەرەدى. قارۋلى كۇشتەردىڭ ءيميدجىن ارتتىرۋعا, وسكەلەڭ ۇرپاقتىڭ بويىندا پاتريوتيزم سەزىمىن جانە ۇرپاقتار ساباقتاستىعىن قالىپتاستىرۋعا وڭ ىقپال ەتەدى», دەپ ءسوزىن تۇيىندەدى ول.
