Turizm_jane_sport_ministrligi
ء«بارىڭىزدى وسىندا, جارىس وتەتىن جەردە كورگەنىمە قۋانىشتىمىن. قانشاما قوناق پەن سپورتشىلاردىڭ كەلگەنىن وزدەرىڭىز كورىپ جاتىرسىزدار. بارلىعى 70-تەن استام ەلدەن 1800-گە جۋىق سپورتشى بار. سىزدەرگە كۇندەلىكتى تىنىمسىز ەڭبەكتىڭ ارقاسىندا وسىندا كەلۋدىڭ ءساتى ءتۇستى. وتباسىلارىڭىز, جانكۇيەرلەر مەن بۇكىل قازاقستان سىزدەرگە كوز تىگىپ, قولداۋ كورسەتىپ وتىر. ايتارىم, تەك قانا العا!», دەدى ەرمەك مارجىقپاەۆ.
جاسوسپىرىمدەرىدڭ قىسقى ولمپياداسىنا قاتىساتىن اتلەتتەردىڭ ورنالاسقان بولمەسىن ارالاپ كورگەن مينيسترگە وليمپياداعا دايىندىق بويىنشا شتابتىڭ باسشىسى دەلەگاتسيانىڭ جۇمىسى تۋرالى باياندادى.
دەلەگاتسيا وكىلدەرى قازىرگى تاڭدا قازاقستاننان كەلەتىن سپورتشىلاردىڭ ەكىنشى كەزەگىن قالاشىققا ورنالاستىرۋ, جاتتىعۋ كەستەسىن ۇيلەستىرۋ بويىنشا جۇمىس ىستەپ جاتىر. جيىننان كەيىن ەرمەك مارجىقپاەۆ دەلەگاتسيانىڭ جاۋاپتى وكىلدەرىنە كومانداعا بارلىق جاعداي جاساۋعا اتسالىسۋدى تاپسىردى. ايتا كەتەيىك, IV قىسقى جاسوسپىرىمدەر وليمپياداسىنىڭ سالتاناتتى اشىلۋ ءراسىمى ەرتەڭ, 19 قاڭتاردا كاننىن قالاسىنداعى كونكيمەن جۇگىرۋ سپورت كەشەنىندە (Gangneung Oval) وتەدى. ال جابىلۋ سالتاناتىن 1 اقپاندا «Gangneung Olympic Park» سپورت كەشەنى قابىلدايدى. كانۆون-2024 ويىندارىنا 14 پەن 17 جاس ارالىعىنداعى الەمنىڭ 80-گە جۋىق ەلىنەن كەلگەن 1800 سپورتشى قاتىسادى. مۇندا 7 سپورت ءتۇرىنىڭ 15 باعدارلاماسى بويىنشا 81 مەدال جيىنتىعى ساراپقا سالىنادى. قازاقستان نامىسىن 5 سپورت تۇرىنەن 41 اتلەت قورعايدى.
