فوتو: قازاقستان بوكس فەدەراتسياسى
مىرزاعالي ايتجانوۆ وتكەن جىلدىڭ قاڭتار ايىندا بوكستان قازاقستان قۇراماسىنىڭ تىزگىنىن ەكىنشى رەت قايتا ۇستادى.
قازىرگى تاڭدا ۇلتتىق قۇراما پاريج وليمپياداسىنا جولداما بەرەتىن ليتسەنزيالىق تۋرنيرلەرگە قىزۋ دايىندىق ۇستىندە. Egemen.kz ءتىلشىسى قۋانىش نۇردانبەك ۇلى جىگىتتەردىڭ جاتتىعۋداعى جايىمەن بىرگە, مەكسيكالىق قارسىلاسى حوسە ميگەل بوررەگودان نوكاۋتپەن جەڭىلگەن كاپيتان اسلانبەك شىمبەرگەنوۆتىڭ احۋالىن, دەنساۋلىعى مەن الداعى سىندارعا دايىندىعىن سۇرادى.
«اسلانبەك مىنەزدى بوكسشى, قاتارعا قوسىلىپ جاتتىعۋىن جاساپ ءجۇر. نوكاۋت دەگەندە تۋرا تيگەن سوققىدان قۇلادى. اناۋ ايتقانداي قاتەرلى جاراقات ەمەس, مەديتسينالىق تەكسەرىستەن ءوتىپ, دارىگەرلەردىڭ باقىلاۋىندا بولىپ ەم-دومىن الدى. قازىر بابىندا, ليتسەنزيالىق تۋرنيرگە ازىرلىك جۇرگىزىپ جاتىر», دەپ جاۋاپ بەردى مىرزاعالي ايتجانوۆ.
