فوتو: massaget.kz
اكتسيانىڭ باستى ماقساتى – ميلليونداعان ادامنىڭ ءومىرىن ساقتاپ قالۋعا مۇمكىندىك بەرەتىن قان مەن ونىڭ كومپونەنتتەرى قورىن تولتىرۋعا سەپ بولۋ, ەمدەۋ مەكەمەلەرىن قاۋىپسىز قان كومپونەنتتەرىنىڭ قاجەتتى كولەمىمەن قامتاماسىز ەتۋ ءۇشىن حالىق اراسىندا وتەۋسىز ەرىكتى قان دونورلىعىن ناسيحاتتاۋ.
الەمدىك تاجىريبە كورسەتكەندەي, دونورلىقتى دامىتۋعا بارلىق دەڭگەيدەگى مەملەكەتتىك ورگان, قوعامدىق ۇيىم مەن بىرلەستىك, جۇمىس بەرۋشى, باق, ءدىني, ءبىلىم بەرۋ جانە باسقا دا ۇيىمدار قاتىسۋعا ءتيىس.
سونىمەن, استانادا «اۋىل» پارتياسىنىڭ ورتالىق اپپاراتى مەن جاستار قاناتىنىڭ 30-عا جۋىق مۇشەسى جانە ايماقتاردا 20 وڭىرلىك فيليالدىڭ 400-دەن اسا مۇشەسى ءبىر مەزەتتە جەرگىلىكتى ورتالىقتاردا قان تاپسىردى.
قان ورتالىعى ماماندارىنىڭ ايتۋىنشا, تەك استانانىڭ وزىندە 20 اۋرۋحانا قانمەن قامتاماسىز ەتىلۋى كەرەك. «اۋىل» پارتياسىنىڭ 20 فيليالى ۇيىمشىلدىقپەن اتسالىسقان بۇگىنگى اكتسيا وسى ۇدەدەن شىعا ءبىلدى.
پارتيانىڭ اكتسيا وتكىزىپ, حالىق اراسىندا دونورلىقتى ناسيحاتتاۋى وسكەلەڭ ۇرپاقتى مەيىرىمدىلىك پەن ىزگىلىككە تاربيەلەۋگە, دونورلىقتىڭ ماڭىزىن سانالى تۇردە تۇسىندىرۋگە باعىتتالعان.
