دارىگەرلەردىڭ قايىرىمدىلىعى

وتكەن جىلى وبلىستىق بالالار كلي­ني­كالىق اۋرۋحاناسىندا ءداپ وسىنداي 10 وپەراتسيا جاسالىپتى. ونىڭ ارقاي­سىسى­نىڭ قۇنى 10 ميلليون تەڭگەگە جۋىق.

كەزبە جۇيكەسىنە ستيمۋلياتور قويۋ – ەڭ كۇردەلى وپەراتسيا. مۇنداي وپەراتسيانى وبلىستىق كلينيكالىق بالالار اۋرۋحاناسى دارىگەرلەرى 2020 جىلدان باس­تاپ جاساپ كەلەدى. ستيمۋلياتور 5 جىل­عا ورناتىلادى, ودان كەيىن باتارەيانى اۋىس­تىرۋ قاجەت.

– وپەراتسيا بارىسىندا ەكى تىلىك جاسالادى. بىرەۋىنەن كەزبە جۇيكەسى شى­عارىلىپ, وعان ارنايى ەلەكترود جال­عانادى. ول ەكىنشى تىلىككە دەيىن سوزى­لىپ, كەۋدە قۋىسىنا بەكىتىلە­دى. سو­سىن تەرىنىڭ استىنا اپپارات سالىنادى. وپەراتسيا كەزىندە ونىڭ جۇمى­سى تەكسەرىلەدى, – دەي­دى اۋرۋحانا­نىڭ نەيروحيرۋرگ-دارىگەرى رۋسلان حاۋتيەۆ.  2021 جىلى ءتورت ناۋقاسقا, ودان كەيىن­گى جىلى التى بالاعا, بيىل ون بالا­عا وپەراتسيا جاسادىق. جوسپارلى وپەرا­تسيانىڭ قۇنى 9,5 ملن تەڭگەدەن اسادى. مۇنى الەۋمەتتىك مەديتسينالىق ساقتان­­دىرۋ قورى تولەيدى. بۇل – اتا-انا­لار­عا قارجىلىق كومەك قانا ەمەس, ناۋقاس بالالاردىڭ قالىپتى ءومىر ءسۇرۋى ءۇشىن ۇلكەن قولداۋ.

ستيمۋلياتور ورناتىلعان ال­عاش­ق­ى پاتسيەنتتەردىڭ ءبىرى 14 جاستاعى قارا­عاندىلىق بولدى. ول ەكى جاسىنان ەپي­لەپسيامەن اۋىر­عان. ءدارى-دارمەك­پەن جۇرگى­زىلگەن ەم دە تالمانى باسا الما­عان. قىزدىڭ اناسىنىڭ اي­تۋىنشا, ەپيلەپسيالىق ۇستاما تاۋ­لىگىنە 90 رەتكە دەيىن قايتالاعان ساتتەرى دە
بولعان.

«قىزىما اپپارات قويىلعان­نان بەرى ەكى جىلدان اسا ۋاقىت ءوتتى. قازىر ول ءوزىن جاقسى سەزىنە­دى. وپەراتسيادان سوڭ 8 ايدان كەيىن با­لا­­نىڭ بەلسەندىلىگى ارتقانىن, ەستە ساقتاۋى مەن ساباق ۇل­گەرىمى جاق­­سار­عانىن اڭعاردىق. قۇ­رىل­­عى ونى مۇلدەم مازالامايدى. وپە­­راتسيا­عا دەيىن ءبىر ايداي تەك­سەرىل­دىك. ستي­مۋلياتور قويعا­نىمىزعا ەش وكىن­­­بەيمىز», دەيدى ناۋقاستىڭ اناسى.

قاراعاندى وبلىسى