جولاۋشىلار اۆتوبۋستى جىلىنىپ ەمەس, توڭىپ توسىپ ءجۇر. بۇعان دەيىن بىرنەشە رەت قاداعالاۋ جوقتىعىنان اينەكتەرى دە شاعىلعان, ەسىكتەرى دە قيراعان. مۇنىمەن قوسا, جولاۋشىلار تازالىعىنا نارازى.
«قاراعاندىنىڭ قىسى قاتتى. سول سەبەپتى جىلى ايالداما سالىنعاندا قۋانعان ەدىك. الايدا قالامىزداعى ايالدامالار سۋىق. ونىمەن قوسا جاعىمسىز ءيىس بار. ءۇيسىز-كۇيسىز جۇرگەندەر تۇنەپ شىعادى. ول جەرگە كىرىپ الىپ, تۇنشىعىپ تۇرعانشا, دالادا تۇرعانىمىز جاقسى. قاداعالايتىن جاۋاپتى مەكەمە جوق پا؟ تاڭىمىز بار. بار نارسەنى دۇرىس كادەگە جاراتا الماي وتىرمىز», دەيدى قالا تۇرعىنى ەلدوس بولات ۇلى.
قازىبەك بي اۋدانىنىڭ تىرشىلىكتى قامتاماسىز ەتۋ ءبولىمىنىڭ باس مامانى دىنمۇحامەد رايىمبەكوۆ اپتا سايىن ايالدامالار تازالانادى دەيدى. ياعني ءبىر رەت سۋمەن جۋىلسا, ەكى رەت حيميالىق تازالاۋ جۇرگىزىلەدى. جىلى ايالدامالاردىڭ سۋىق بولۋى جابدىقتاردىڭ ىستەن شىعۋىنان دەيدى. جوندەۋ جۇمىستارى اياقتالعان سوڭ ءبارى قالپىنا كەلەدى دەپ سەندىرەدى.
بىلتىرعى قىستا كەنشىلەر مادەنيەت سارايىنىڭ الدىنداعى ايالدامانىڭ جىلىتقىش پەشى ۇرلانعان ەدى.
ۇرىلار ءىزىن ابدەن جاسىرسا كەرەك, كۇدىكتىلەردى قولعا تۇسىرە الماي پوليتسەيلەر الەك بولعان. ءتىپتى تەرەزەسىن شاققان بۇزاقىلار دا ۇستالماعان. ءبىزدىڭ قۇقىق قورعاۋ ورگانى قىزمەتكەرلەرى ق ۇلىق تانىتپاي وتىر ما, الدە؟ بۇلاي جالعاسا بەرسە, ايالدامانىڭ وزىنەن ايىرىلىپ, جەر سيپاپ قالۋىمىز دا مۇمكىن عوي. بەينەباقىلاۋ كامەرالارىن ورناتۋدى بۇل وقيعالار قاپەرىمىزگە سالىپ-اق تۇرسا دا, ءالى سالعىرتتىق تانىتىپ وتىرمىز…
قالا تۇرعىندارىنىڭ رەنىش بىلدىرەتىن ءجونى بار. ايالدامامىز تۇندە قاڭعىباستاردىڭ قارا قوسىنا اينالىپ تۇرعانى راس-تى. ءبىزدىڭ دە كوزبەن كورىپ جۇرگەنىمىز – سول كورىنىس… ءيا, جەدەلدەتىپ جاۋاپتىلار بۇل ماسەلەنى نازارعا الماسا, جىلى ايالدامالاردىڭ «جىرى» كوبەيىپ تۇرعانى تۇرعان…
ايتا كەتەيىك, بيىل تاعى ءداپ وسىنداي 11 ايالداما سالىنادى. الدىمەن, ايالاپ ۇستاۋدى ۇيرەنسەك ەكەن...
قاراعاندى وبلىسى
