فوتو:gov.kz
كەزدەسۋدە ءوڭىر باسشىسى ءانشىنىڭ قازاق اندەرىن كورەي ەلىندە عانا ەمەس, بۇكىل الەمگە تانىتىپ, ناسيحاتتاۋعا قوسقان ۇلەسىن ايتىپ, شىعارماشىلىق تابىس تىلەدى.
ء«سىز تۋرالى جاقسى پىكىرلەر ايتىلىپ ءجۇر. جەلى قولدانۋشىلارىنىڭ ىستىق ىقىلاسىنا بولەنىپ كەلەسىز. ونەرىڭىزدى ءبىز دە جوعارى باعالايمىز. وزىڭىزگە وتانداستارىمىز وتە ريزا. اسىرەسە, دومبىرا تارتىپ, قازاقشا اندەردى شىرقاپ ءجۇرۋىڭىز – كوپكە ۇلگى. الداعى ۋاقىتتا بىرلەسە جۇمىس ىستەپ, ەكى ەلدىڭ اراسىندا بايلانىس نىعايا تۇسەدى دەگەن سەنىمدەمىن», دەي كەلە اسحات شاحاروۆ قازاق ءانىن ورىنداپ جۇرگەن كارىس انشىگە دومبىرا سىيلادى.
باسقوسۋدا سون ۆون ساب وبلىس اكىمىنە العىسىن ايتىپ, جۋىردا جارىق كورگەن جەكە البومىن تارتۋ ەتتى, ايگىلى «سىعان سەرەناداسى» ءانىن دە شىرقاپ بەردى.
ايتا كەتسەك, سون ۆون ساب – «Visit Aktobe» تۋريستىك اقپاراتتىق ورتالىعىنىڭ رەسمي امباسسادورى اتاندى. ونىڭ اقتوبەگە كەلۋدەگى ماقساتى دا – وسى.
