وڭىرلىك تۇراقتاندىرۋ قورىندا 12 ءتۇرلى ازىق-ت ۇلىكتىڭ 15 مىڭ تونناسى ساقتالىپ تۇر. بۇل – تۇپتەپ كەلگەندە جالپى سوماسى 3 ملرد تەڭگەنىڭ ءونىمى. تۇراقتاندىرۋ قورى اۋىل شارۋاشىلىعى وندىرۋشىلەرىمەن 6 635,9 توننا كارتوپ, 1 081 توننا ءسابىز, 671,3 توننا پياز, 1 300 توننا قىرىققابات, 476 توننا كۇرىش جەتكىزۋگە فورۆاردتىق شارتتار جاساسقان.
«پاۆلودار اكك» اق باسقارماسى توراعاسىنىڭ ورىنباسارى بەك ورازعۇلوۆتىڭ ايتۋىنشا, وبلىستىڭ سەرىكتەس ساۋدا نۇكتەلەرىندە ارزان ازىق-ت ۇلىك جەتكىلىكتى. بيىل كوكونىس پەن كارتوپتىڭ باعاسى وبلىستا ەرەكشە ارزان بولىپ تۇرعانى ءمالىم. سۋپەرماركەتتەردە «ەكىنشى ناننىڭ» كەلىسى ءتىپتى 90-100 تەڭگەدەن ساتىلىپ جاتىر. وسىنى ەسكەرە كەلىپ, قوردا تۇرعان كوكونىستەردى نارىققا تەك اقپان ايىندا عانا شىعارۋ ۇيعارىلعان.
– ەندى ءبىر ايدان سوڭ جەرگىلىكتى ساۋدا نۇكتەلەرىندە ارزان كوكونىس ازايىپ, قويمالاردا ساقتالىپ تۇرعان ونىمدەر جەتكىزىلە باستايدى. بۇل ۋاقىتتا باعانىڭ كوتەرىلۋى – زاڭدى قۇبىلىس. نارىقتىق جاعدايدى ەسكەرە وتىرىپ, اقپان ايىندا قورداعى كوكونىستەردى الەۋمەتتىك دۇكەندەر مەن سەرىكتەس ساتۋ نۇكتەلەرىنە جەتكىزۋدى باستايمىز. ءوڭىر بويىنشا مۇنداي سەرىكتەستەرىمىزدىڭ سانى – 263, ءۇش قالانى قويىپ, ولار بارلىق اۋداندا ورنالاسقان. جالپى, تۇراقتاندىرۋ قورىنان بوساتىلاتىن ونىمگە ۇستەمەاقى 10 پايىزدان اسپاۋى كەرەك. بۇل بويىنشا ارنايى شارتتا كورسەتىلگەن. جۇرتشىلىققا ىڭعايلى بولۋى ءۇشىن ازىق-ت ۇلىك دۇكەندەرى مەن نۇكتەلەردىڭ بارلىعىندا قولما-قول اقشاسىز تولەم قاراستىرىلعان. كاسىپكەرلەردى ىنتالاندىرۋ جاعى دا ەسكەرىلىپ, اينالىم قاراجاتىن تولىقتىرۋعا جىلدىعى 3 پايىزبەن ارزان نەسيە ۇسىنىپ كەلەمىز. ەسەسىنە ولار ءبىزدىڭ شارتتارىمىزدى ورىنداپ, قويمالاردان جەتكىزگەن ازىق-ت ۇلىك پەن كوكونىستەرگە ۇستەمە باعانى 10 پايىزدان اسىرماي ۇستاپ تۇر. وبلىس ورتالىعىنداعى «Jailau» فەرمەرلىك نارىعىندا كاسىپكەرلەرمەن 23 شارت جاسالدى. مۇندا «ەگىستىكتەن سورەگە دەيىن» قاعيداتى بارىنشا ساقتالىپ, الەۋمەتتىك ماڭىزى بار ازىق-ت ۇلىك تۇرلەرى نارىقتاعى باعادان 15-20 پايىز ارزانعا ساتىلادى. وعان قوسا اتالعان بازاردا ەت ساتاتىن ورىنداردى كوبەيتتىك, – دەيدى الەۋمەتتىك-كاسىپكەرلىك كورپوراتسيا وكىلى.
كۇزدەن بەرى ايماقتا قۇس جۇمىرتقاسىنىڭ باعاسى دا كوتەرىلىپ كەلە جاتقانى بەلگىلى. جۇمىرتقا باعاسىن تۇراقتى ۇستاپ تۇرۋ ءۇشىن بۇرناعى جىلى تۇراقتاندىرۋ قورى 6,5 ملن دانا جۇمىرتقا ساتىپ العان. ونىڭ 1,5 ملن داناسى وتكەن جىلى جەرگىلىكتى ساۋدا سالاسىنداعى كاسىپكەرلەرگە ارزان باعادا بوساتىلدى. قويما ەسەبىندە تۇرعان 5 ملن دانا قۇس جۇمىرتقاسى الداعى جازعا دەيىن جەتەدى دەپ بولجانىپ وتىر. ادەتتە ايماقتا جۇمىرتقا باعاسى نارىقتا ءونىم كوبەيگەن ۋاقىتتا, ءساۋىر-مامىر ايلارىندا تومەندەيتىنى ءمالىم. قازىر ءونىمنىڭ وندىعى ء(ى سۇرىپ) قوردان 426 تەڭگەدەن بوساتىلسا, ال الەۋمەتتىك دۇكەندەردە 468 تەڭگەدەن ساتىلىپ جاتىر.
پاۆلودار وبلىسى اۋىل شارۋاشىلىعى باسقارماسى باسشىسىنىڭ ورىنباسارى تولەگەن كوشەرباەۆ جۇرتشىلىقتى الەۋمەتتىك نانمەن قامتاماسىز ەتۋ شارالارى دا ويداعىداي ءجۇرىپ جاتقانىن جەتكىزدى. «ازىق-ت ۇلىك كورپوراتسياسى» اق 3,8 مىڭ توننا بيداي ءبولىپ (تونناسىنا 90 مىڭ تەڭگە باعامەن), جەرگىلىكتى ناۋبايحانالارمەن ناننىڭ بولكەسىن 93 تەڭگەدەن اسىرماۋ تۋرالى مەموراندۋمدار جاسالعان.
ايتىپ وتەيىك, وتكەن جىلى ۇلتتىق ستاتيستيكا بيۋروسى ەرتىس-بايان وڭىرىندەگى الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ يندەكسى 2,7 پايىزدى قۇراعانىن تىركەدى. الەۋمەتتىك مانگە يە 19 ازىق-ت ۇلىك ءتۇرى بار بولسا, سونىڭ 15-ءى بويىنشا كەرەكۋدەگى ورتاشا باعا رەسپۋبليكالىق ماننەن تومەن ەكەنى انىقتالعان. ال ءى سۇرىپتى ۇن, قاراقۇمىق جارماسى, سارى ماي, ءسۇت (2,5%), ايران (2,5%), كارتوپ, ءسابىز, قىرىققاباتتىڭ ارزاندىعى جونىنەن ەلىمىز بويىنشا توپ-5-كە ەندى. تەك وتكەن جىلدىڭ سوڭىندا سيىر ەتى مەن ماكارون ونىمدەرىنىڭ ازداپ قىمباتتاعانى بەلگىلى بولدى.
پاۆلودار وبلىسى
