فوتو: qazaquni.kz
قايراتكەردىڭ رۋحىنا باعىشتالعان قۇرانعا قاتىسۋشىلار زامانبەك قالاباي ۇلىنىڭ ەلگە سىڭىرگەن ەڭبەگىن ايتتى. پرەزيدەنت كەڭەسشىسى – ءباسپاسوز حاتشىسى بەرىك ءۋالي مەملەكەت باسشىسى قاسىم-جومارت توقاەۆتىڭ حاتىن وقىدى.
«بيىل بەلگىلى مەملەكەت جانە قوعام قايراتكەرى زامانبەك نۇرقادىلوۆتىڭ تۋعانىنا 80 جىل تولدى. تاۋەلسىز قازاقستان تاريحىندا ەل مۇددەسى ءۇشىن ايانباي ەڭبەك ەتكەن ازاماتتار از ەمەس. زامانبەك قالاباي ۇلى - وسىنداي تۇعىرلى تۇلعالاردىڭ ءبىرى. ول ەگەمەندىكتىڭ العاشقى كەزەڭىندە كوپتەگەن جاۋاپتى قىزمەتتى ابىرويمەن اتقاردى. مەملەكەتىمىزدى نىعايتۋعا ايرىقشا اتسالىسىپ, وڭىرلەردى وركەندەتۋگە زور ۇلەس قوسقانى داۋسىز. ۇلت پەرزەنتتەرىنىڭ ەسىمىن ەل جادىندا جاڭعىرتىپ, ەڭبەگىنە لايىقتى باعا بەرۋ - ۇرپاق پارىزى. وسى ورايدا, زاكەڭنىڭ تۋعان جەرى - الماتى وبلىسىنىڭ كەگەن اۋدانىندا وعان ەسكەرتكىش ورناتۋ جانە الماتىداعى تۇرعان ۇيىندە ەسكەرتكىش-تاقتا اشۋ قاجەت دەپ سانايمىن. «تاريح – تارازى» دەپ بەكەر ايتىلماعان. حالقىمىزدىڭ كەسەك تۇلعالى ازاماتىنىڭ ەلگە سىڭىرگەن ەڭبەگى ەشقاشان ۇمىتىلمايدى», دەلىنگەن پرەزيدەنتتىڭ حاتىندا.
